نازم غەزالی
ئەم وتارە بەستەری نییە بۆ وتارەکانی تری ویکیپیدیا. (نیسان ٢٠١٧) |
نازم غەزالی لەبەناوبانگترین گۆرانیبێژەكانی پەنجا و شەستەكانی عێراقە و لە ناوچەی حەیدەر خانە لەبەغدا بەهەتیوی لە ساڵی 1921 لەادیك بووە و دایكیشی نابینابووە و تەنها لەژوورێكدا ژیانیان گوزەرانوە و زۆر بە ئەستەم توانیوێتی خوێندنی سەرەتایی و ناوەندی تەواو بكات و هەژاری لەیەخەی نەبۆتەوە و ئەوەندەی تر هەژاری ڕوی تێكردووە كاتێك كە دایكیشی كۆچی دوایی كردووە و تەنانەت نەیتوانیوە پەیوەندی بە پەیمانگای هونەرەجوانەكانەوە بكات و بەناچاری وەكو چاودێر لە پڕۆژەی ئاردی سەر بە ئەمیندارێتی بەغدا كاری كردووە. بارودۆخی ژیان نازم غەزالی لە پەیمانگای هونەرەجوانەكان دوور كردەوە بەڵام نەیتوانی دووری بخاتەوە لە گوێگرتن لە مەقامە عێراقیەكان و مۆسیقای ڕەسەنی عەرەبی و گۆێی لەگۆرانیەكانی ئوم كەلسوم و عەبدالوەهاب و فەرید ئەتڕەش و ئەسمەهان و گۆرانیبێژە ناودارەكانی تر گرتووە و لەبەری كردوونە و سووربوە لەسەر ئەوەی بچێتە پەیمانگای هونەرەجوانەكان و بەرزترین نمرەی بەدەستهێناوە و لەڕوی ڕۆشبیریشەوە زۆر لەهاوڕێكانی پێشكەوتربووە و لە ساڵی 1952 لە گۆڤاری نەدیم لەژێر ناونیشانی بەناوبانگترین گۆرانیبێژەكانی عەرەب كۆمەڵێ ووتاری بڵاوكردۆتەوە و هەروەها بەوە ناسرابوبووە كە بەماوەیەكی كەم شتەكانی لەبەركردووە و لاسایی هەموو دەنگەكان و كەسایەتیەكانی كردۆتەوە. لەنێوان ساڵانی 1947 و 1948 نازم غەزالی پەیوەندی بە ئێزگە و تەلەفزیۆنی بەغداوە كردووە و چۆتە نێو تیپی موەشیحات و ڕۆڵێكی گرنكی هەبووە لە ووتنی مەقاماتی عێراقی و یەكەم گەشتیشی بۆ دەرەوەی عێراق فەڵەستین بووە لەساڵی 1948 و لەسەرەتای پەنجاكانیشدا گۆرانیەكانی دەنگی دایەوە و گەشتی بۆ چەند وڵاتیك كردووە و ئاهەنگێكی زۆری لەوڵاتە عەرەبیەكان گێڕاوە و بۆتە باڵێۆزی گۆرانی عێراقی. نازم غەزالی لەساڵی 1953 هاوسەرگیرێتی لەگەڵ هونەرمەندی عێراق سەلیمە موراد كردووە و لەساڵی 1958پێكەوە لەگەڵ هاوسەركەی ئاهەنگێكی گۆرانی ووتنی جەماوەری گەورەیان گێڕاوە و دواتر لە لەندەن و پاریس و بەیروت هەر پێكەوە ئاهەنگیان گێڕاوە. نازم غەزالی دوای ئەوەی گەشتی كردوە بۆ بەیروت و 35 ئاهەنگی لەوێ گێڕاوە و نزیكەی 20 ئاهەنگی تەلەفزیۆنی و ئاهەنگە ڕەسمیەكانی تۆماركردووە لە 23 ئوكتۆبەری ساڵی 1963 كۆچی كردووە و هەواڵی كۆچكردنی لە ئێزگەی بەغدا ڕاگەیاندراوە و خەمێكی گەورەی خستۆتە نێو دەڵی شەیدایانی دەنگە خۆشەكەیەوە.
سەرچاوەکان
دەستکاری- بەشداربووانی ویکیپیدیا، «ناظم الغزالي»، ویکیپیدیای عەرەبی. سەردان لە ١٢ی کانوونی یەکەمی ٢٠١٤.
| کۆمنزی ویکیمیدیا، میدیای پەیوەندیدار بە نازم غەزالی تێدایە. |