ماک
ماک کۆمپانیایەکی پیشەسازی ئۆتۆمۆبیلی قورسە لە ئەمریکا، کە ئێستا لقێکی کۆمپانیای ڤۆڵڤۆ مۆتۆرە. لە ڕابردوودا ئەم کۆمپانیایە ھەموو جۆرە بارھەڵگرێک و پاس و پاسی کارەبایی بەرھەم دەھێنا، بەڵام ئەمڕۆ تەنھا لە بواری بەرھەمھێنانی بارھەڵگردا چالاکە. کۆمپانیای ماک لە ساڵی ١٩٠٠ لەلایەن جاک و ئابۆس و ویلیام ماکەوە بە ناوی کۆمپانیای براکانی ماک لە بروکلینی نیویۆرک دامەزراوە. لە ساڵی ١٩٩٠ کۆمپانیای فەرەنسی ڕێنۆ ماکی کڕی و بە یەکخستنی لە بەشی پیشەسازی قورسەکەیدا، کۆمپانیای ڕێنۆ تراکی دامەزراند. لە ساڵی ٢٠٠١، دوای کڕینی سەرجەم پشکەکانی کۆمپانیای ڕێنۆ تراک لەلایەن کۆمپانیای سویدی ڤۆڵڤۆ, خاوەندارێتی مارکەی ماک گواسترایەوە بۆ ڤۆڵڤۆ, و ئێستا ماک بەردەوامە لە کارکردن لەژێر خاوەندارێتی ئەم کۆمپانیایە سویدییە. بارەگای سەرەکی ماک لە شاری گرینسبۆرۆ لە ویلایەتی کارۆلینای باکووری ئەمریکایە.
مێژوو دەستکاری
کۆمپانیای ماک لە ساڵی ١٩٠٠ لەلایەن جاک و ئابۆس و ویلیام ماکەوە بە ناوی کۆمپانیای براکانی ماک لە بروکلینی نیویۆرک دامەزراوە. ئەم کۆمپانیایە یەکەم بارھەڵگری خۆی لە ساڵی ١٩٠٧ بەرھەم ھێنا و لە ساڵی ١٩٢٢ ناوەکەی گۆڕدرا بۆ شێوەی ئێستای (Mac).[١]
سەرچاوەکان دەستکاری
- ^ "Mack Mission/Orgin/Trademark". Mack Trucks Website. Retrieved 20 March 2012. ٦ی ئابی ٢٠١٣ لە وەیبەک مەشین، ئەرشیڤ کراوە.
| کۆمنزی ویکیمیدیا، میدیای پەیوەندیدار بە ماک تێدایە. |