فلس

فلس (بە عەرەبی: فلس, romanized: fals) دراوێکی مسی سەدەکانی ناوەڕاست بوو کە بۆ یەکەمجار لەلایەن خەلافەتی ئومەوییەوە (٦٦١–٧٥٠) بەرھەم ھێنرا و لە کۆتایی سەدەی حەوتەمەوە دەست کرا بە دروستکردنی. ناوی دراوەکە لە فۆلیس وەرگیراوە کە دراوێکی مسی ڕۆمانی و دواتر بێزەنتینی بووە. بەزۆری فلسەکان لە ھەردوو لادا ڕازاندنەوەی ڕێنووسی عەرەبییان تێدابووە. تا سەدەی نۆزدەھەم جۆرەھا فلسی مسین بەرھەم دەھێنران. جۆر و کێشیان جیاواز بووە، لە ١ گرامەوە بۆ ١٠ گرام یان زیاتر دەردەچوو.

فلسێک لە دیمەشق لە نێوان ساڵانی ٦٩٦ بۆ ٧٥٠ دروست کراوە

فلسی مەئموون، ٢١٩ی کۆچی (٨٣٤/٥ زایینی)، ئورشەلیم.

فلسی مەنسووری کوڕی نوح، لە بوخارا، لە ٣٥٣ی کۆچی (٩٦٤ی زایینی) دروست کراوە

ھێشتا ئەم زاراوەیە لە زمانی عەرەبی مۆدێرن بۆ پارە بەکار دەھێنرێت، ھەروەھا وشەی فولوسیش (fulus) لە زمانی مالاییدا دەگرێتەوە

ئەمانەش ببینە

• دینار
• درھەم