غەفار ئیبراھیمی

غەفار ئیبراھیمی ناسراو بە سارۆ جوانڕۆیی چالاکی بواری بووژاندنەوە و لێکۆڵینەوە و ساغکردنەوەی دەستنووسە خەتییەکانە و چەندین بەرھەمی باشی بە کتێبخانەی کوردی بەخشیوە.^[١]

ژیاننامە

غەفار ئیبراھیمی خەڵک و دانیشتووی شاری جوانڕۆی کوردستانی ڕۆژھەڵاتە. لە منداڵییەوە ھۆگری وێژە و زمانی کوردی بووە و بەشێک لە کاتی ڕابواردنی منداڵیی خەریکی خوێندنی بەیتە کوردییەکان بووە. بەڵام لە بەر چەند ھۆکارێکی گاڵتەجاڕی نەچووەتە قوتابخانە. دواتر بە مەبەستی خوێندنی زانستی ئایینی چووەتە حوجرە و لە چەندین حوجرەی ناوچەکەدا خوێندوویەتی.

ھاوکات لەگەڵ خوێندنی حوجرە بە شێوەی ئازاد دیپلۆم وەردەگرێ و دوای کۆتاییھێنانی حوجرە و زانستی مەلایی، بەھۆی خۆشەویستی زمان و وێژە دەست لە مەلایەتی ھەڵ دەگرێ.

بەھۆی نەبوونی بەشی زمان و وێژەی کوردی لە زانکۆکانی کوردستانی ڕۆژھەڵات و ئێران لە زانکۆی پەیامی نووری جوانڕۆ خوێندنی زمان و ئەدەبی فارسی دەست پێ دەکات. ھەروەھا دەبێتە ئەندامی ئەنجومەنی خانای قوبادی و مەولەویی جوانڕۆ کە لە بواری فەرھەنگ و زمانی کوردیدا چالاکن و ھاوکاری زۆربەی ڕێوڕەسمە ئەدەبی و کلتوورییەکانی جوانڕۆی کردووە.

بەرھەمەکان

لەیلێ و مەجنوون، خانا قوبادی ،بنکەی ژین، 2011^[٢]^[٣]
روضة الصفاء، میرزا ئەوڵقادر پاوەیی، چاپخانەی زانکۆ بۆکان، 2017^[٤]
لەیلێ و مەجنوون، خانای قوبادی، چاپی دووەم 2019، بەڵاوکەرەوەی ڕازاوەری تاران. بە ھاوکاری دوکتۆر بەیان عەبدی
میرزای جوانڕۆیی. میرزا لوتفوڵڵا سەعیدی سارۆخانی، چاپی یەک 2020. بەڵاوکەرەوەی ماپریس جوانڕۆ. چاپی دووەم 2022ھەتاوی^[٥]
مەڵکە جوانڕۆیی، مەلیک عەلی مرادوەیس. چاپی یەکەم 2021، ماپریس جوانڕۆ^[٦]
روضةالصفا، میرزا ئەوڵقادر پاوەیی، چاپی دووەم 2023، بڵاوکردنەوەی تاڤگەی سنە
بەشێک لە دیوانی فەقێ ئەوڕەحمان جوانڕۆیی، بەڵاڤۆکی تاڤگەی سنە، 2023

ھەروەھا ئەم بەرھەمانەشی ئامادە کردووە بەڵام ھیشتا چاپ نەکراون:

ئەفسانەی زێڕینە (خەریکی چاپکردن)
شیرین و فەرھاد، میرزا شەفیع پاوەیی (ئامادەی چاپکردن)
ئەفسانەی نووشافەرین و سوڵتان ئیبراھیم (ئامادەی چاپکردن)
دیوانی شەیدا، شێخ ئەوڕەحمانی خالسی جوانڕۆیی. بە ھاوکاری مەحسین کەرەمجوو، (ئامادەی چاپکردن)
دیوانی جیھانارا خانم (خەریکی لێکۆڵینەوە)

سەرچاوەکان

[1] ttps://jamekurdi.ir/2023/09/08/%DA%A9%DB%86%DA%95%DB%8C-%D9%BE%DB%95%D8%B1%D8%AF%DB%95%D9%84%D8%A7%D8%AF%D8%A7%D9%86-%D9%84%DB%95%D8%B3%DB%95%D8%B1-%DA%A9%D8%AA%DB%8E%D8%A8%DB%8C-%D8%B1%D9%88%D8%B6%D8%A9-%D8%A7%D9%84%D8%B5/

[2] ttps://books.vejin.net/ck/book/278

[3] ttp://www.hewalname.com/ku/?p=1098

[4] ttps://books.vejin.net/en/book/151^{[بەستەری مردوو]}

[5] ttps://nishtmandialog.com/post/mirzalwtfolah

[6] ttps://kurdpa.net/so/news/%DA%A9%D8%AA%DB%8E%D8%A8%DB%8C-%D8%A8%DB%95%D8%B4%DB%8E%DA%A9-%D9%84%DB%95-%D8%A8%DB%95%D8%B1%D9%87%DB%95%D9%85%DB%95%DA%A9%D8%A7%D9%86%DB%8C-%D9%85%DB%95%DA%B5%DA%A9%DB%95-%D8%AC%D9%88%D8%A7%D9%86%DA%95%DB%86%DB%8C%DB%8C-%D8%A8%DA%B5%D8%A7%D9%88-%DA%A9%D8%B1%D8%A7%DB%8C%DB%95%D9%88%DB%95

[١]

[٢]

[٣]

[٤]

[٥]

[٦]