سوزانا لیو

سوزانا لیو چالاکوان و ناڕزاکارێکی مالیزییە لەبەرامبەر ڕفاندن و ونبوونی ھاوسەرەکەی. لەشووباتی ٢٠٢٠ سکاڵای لەسەر کاربەدەستانی دەسەڵات تۆمارکرد لەسەر بەئامانج نەگەیشتنی کەیسی ھاوسەرەکەی. مانگی دواتر، لە ئازاری ٢٠٢٠، لەلایەن حکوومەتی ئەمریکاوە خەڵاتی ئازایەتی ژنانی نێودەوڵەتی پێدرا.

سوزانا لیو

ژیان

سوزانا لیو بەڕێوبەری قوتابخانەیەکبوو لە مالیزیا، ھاوسەرەکەی ناوی رەیمۆند کۆھ، ھەردووکیان لەپەیڕەوی کریستیانن. لە ساڵی ٢٠٠٤، کۆمەڵگای ھیوایان دامەزراند بۆ یارمەتیدانی خێزانە ھەژارەکان. لەدوای شووباتی ٢٠١٧، ھاوسەرەکەی ڕەیمۆند دەڕفێندرێت و وندەبێت، ئەمەش لەڕووداوێکی تەم و مژاویدا کاتێک لەلایەن تیمێکی پیشەگەرەوە بە حەوت ئوتومبێلی پێشبڕکێ و دوو مانتۆڕ دەوردەدرێت و لەماوەی ٤٠ چرکە دەڕفێندرێت. ڕەیمۆند تا ئەمڕۆش (شووباتی ٢٠٢٠) ھەواڵی نەبووە.

دوای ڕووداوەکان، لیو بەردەوام داوای لە کاربەدەستانی مالیزی دەکرد کە ھەواڵ لەسەر مێردەکەی ڕابگەیەنن و دەرەنجامی لێکۆڵینەوەکان ئاشکرا بکەن، بەڵام شتەکان بێسوود بوون. ئەمەش وای لە لیو کرد نەک تەنیا لەسەر کەیسی خۆی، بەڵکوو لەسەر کەیسی کەمایەتییەکانی دیکەی مالیزیا بێتە دەنگ. لیو کەمپەینی کرد لەبارەی ونبوونی کەپڵێکی دیکەی کریستیان لە مالیزیا ئەو روت سیتیپو و جۆشوا ھیلمی، ھەروەھا چالاکوان ئەمری چێ مات.

سوزانا لە شووباتی ٢٠٢٠، ڕایگەیاند کە سکاڵا لەدژی تاک بەتاکی گەورە دەساڵاتانی مالیزیا تۆماردەکات، بەوەی کەیسەکەی چیتر نابێت درەنگبکەوێت ئەمەش دوای تێپەڕینی سێ ساڵ لە ونبوونی.