حسێن عارف

حوسێن عارف عەبدولڕەحمان (١٩٣٦ لە سلێمانی - ) پارێزەر، ڕۆژنامەنووس و چیرۆکنووسی کوردی خەڵکی باشووری کوردستان و یەکێک لە دامەزرێنەرانی گرووپی ڕوانگە بوو. ئەو یاساناسە و لە خولی یەکەمی پەرلەمانی کوردستان ئەندامی پەرلەمانیش بووە. حسێن عارف ئەندامی یەکێتیی نووسەرانی کورد و سەندیکای ڕۆژنامەنووسانی کوردستانە.

حوسێن عارف
لەدایکبوون	حوسێن عارف عەبدولڕەحمان ١٩٣٦ سلێمانی، باشووری کوردستان
پیشە	پارێزەر، ڕۆژنامەنووس و چیرۆکنووس
خوێندن	کۆلیژی یاسا

ئەندامێتی پەرلمان

حسێن عارف وەکوو ئەندامێکی یەکێتیی نیشتمانیی کوردستان لە خولی یەکەمی پەرلەمانی کوردستان ئەندامی پەرلەمانیش بوو. ئەو لە پەرلەمان ئەندامی فراکسیۆنی سەوز بوو و لەنێو لیژنەکانی پەرلەمانیش ئەندامی لیژنەی کاروباری یاسایی بوو. بەدوای ڕووداوەکانی ٣١ی ئاب، حوسێن عارف لەگەڵ چەندین پەرلەمانتاری دیکە دژ بە شەڕی چەکداریی پارتی دیموکراتی کوردستان و یەکێتیی نیشتمانیی کوردستان بۆ ماوەی زیاتر لە مانگێک لەناو پەرلەمانی کوردستاندا مانییان گرتەوە.

بەرھەمەکان

• حسێن عارف، شار، بەرگی یەکەم: ١٩٨٦، بەرگی دووھەم: ٢٠٠١؛ سلێمانی.
• حسەین عارف، چای شیرین: سەرجەم چیڕۆکە کورتەکان
• حسێن عارف. گەلە گورگ. چوار چیرۆک. ١٩٨٢.
• حسێن عارف، کۆکتێل، زنجیرەی کتێبی دەزگای چاپ و پەخشی سەردەم، ٢٠٠٥؛ ٢٨٦ پ.
• حسەین عارف، تەمەنێک لە بندەستی: ڕووداو و کارەساتەکانەوە، ٢ ب
• حسەین عارف، توێشووی سەفەرێکی سەخت
• حسەین عارف، بیبلیۆگرافیای دوو ساڵەی تەمەنی کاروان ١٩٨٤-١٩٨٢
• حسەین عارف، ئەندێشەی مرۆڤێک
• حسێن عارف، ساڵێک لە تەمەن: بیرەوەری حسێن عارف
• حسەین عارف، شانۆگەری جەنابی جانەوەر
• حسێن عارف، قوتابخانەی شیعری تازە
• حسەین عارف، ھێلانە
• حسەین عارف، کڵافەیەک ژانی تووڕە

لێکۆڵینەوە

• حسەین عارف، چیڕۆکی ھونەریی کوردی
• حسەین عارف، بیبلیۆگرافیای چیرۆکی کوردی
• حسەین عارف، روانگە و یاران و نەیارانی
• حسەین عارف، لە کۆڕی خەباتا: چیرۆک لە بەرھەمی دوای شۆڕش
• حسەین عارف، نووسینەوەکانم لە بواری رەخنە و لێکۆڵینەوەدا ساڵانی ١٩٨٨-١٩٥٥

بەستەرە دەرەکییەکان

• تۆڕی میدیایی خەڵک: لە شێرکۆ بێکەسەوە بۆ حسێن عارف: ئێوارە نامەیەک.

ئەمانەش ببینە

• خەڵاتی حسەین عارف