جاکسن، میسیسیپی
جاکسن (بە ئینگلیزی: Jackson) پایتەخت و پڕ دانیشتووترین شاری ویلایەتی میسیسیپی ئەمریکایە. ژمارەی دانیشتووانی شارەکە لە سەرژمێریی ساڵی ٢٠٢٠دا ١٥٣ ھەزار و ٧٠١ کەس بووە، لەکاتێکدا لە سەرژمێری ساڵی ٢٠١٠ ژمارەی دانیشتووانی ئەم شارە ١٧٣ ھەزار و ٥١٤ کەس بووە. ژمارەی دانیشتووانی جاکسۆن لە نێوان ساڵانی ٢٠١٠ بۆ ٢٠٢٠ زیاتر دابەزینی بەخۆیەوە بینیوە (١١٫٤٢٪) بە بەراورد بە ھەر شارێکی گەورەی ئەمریکا.[١] جاکسۆن لەنگەری ناوچەی ئاماری شارە گەورەکانی جاکسۆنە، گەورەترین ناوچەی شارە گەورەکانە بە تەواوی لەناو ویلایەتەکەدا و ١٠ھەمین گەورەترین ناوچەی شارستانییە لە قووڵایی باشوور. بە ژمارەی دانیشتووانی ساڵی ٢٠٢٠ کە نزیکەی ٦٠٠ ھەزار کەس دەخەمڵێندرێت، دانیشتووانی جاکسن شوێنی زیاتر لە یەک لەسەر پێنجی دانیشتووانی میسیسیپییە. شارەکە لەسەر ڕووباری پێڕڵ جێگربووە و دەکەوێتە ناوچەی گەورەی جاکسن پرێری لە ویلایەتی میسیسیپی. جاکسن تاکە شاری میسیسیپییە کە ژمارەی دانیشتووانەکەی زیاتر لە ١٠٠ ھەزار کەسە.
شارەکە لە ساڵی ١٨٢١ وەک شوێنی پایتەختی نوێی ویلایەتەکە دامەزراوە و ناوی ژەنەڕاڵ ئەندرۆ جاکسنە، کە بەھۆی ڕۆڵی لە شەڕی نیو ئۆرلینز لە کاتی جەنگی ساڵی ١٨١٢دا ڕێزی لێگیرا و دواتر وەک سەرۆکی ئەمریکا کاری کردووە. دوای شەڕی ڤیکسبێرگ کە لە نزیکەوە بوو لە ساڵی ١٨٦٣ لە کاتی شەڕی ناوخۆی ئەمریکادا، ھێزەکانی یەکێتی بە فەرماندەیی ژەنەڕاڵ ویلیام تێکۆمسی شێرمان دەستیان بە گەمارۆدانی جاکسن کرد و دواتر شارەکە سووتێنرا.[٢]
سەرچاوەکان
دەستکاری- ^ «U.S. Census Bureau QuickFacts: Jackson city, Mississippi». Census Bureau QuickFacts (بە ئینگلیزیی ئەمەریکایی). لە ٢ی شوباتی ٢٠١٩ لە ڕەسەنەکەوە ئەرشیڤ کراوە. لە ٤ی تەممووزی ٢٠١٨ ھێنراوە.
- ^ «Official City of Jackson, Mississippi Website - History of Jackson». ١٠ی ئایاری ٢٠١٠. لە ڕەسەنەکە لە ١٠ی ئایاری ٢٠١٠ ئەرشیڤ کراوە. لە ٤ی تەممووزی ٢٠١٨ ھێنراوە.
| کۆمنزی ویکیمیدیا، میدیای پەیوەندیدار بە جاکسن، میسیسیپی تێدایە. |