جامی ئەورووپای ١٩٩١-١٩٩٢
جامی ئەورووپا لە ساڵانی ١٩٩١–١٩٩٢ وەرزی ٣٧ی پاڵەوانێتی یانەکانی تۆپی پێی ئەورووپا بوو. ساڵانی ١٩٩١–١٩٩٢ دوا خولی پاڵەوانێتییەکە بوو بەناوی جامی ئەورووپا پێش ئەوەی ناوبنرێت بە خولی پاڵەوانەکانی ئەورووپا. لە قۆناغی کۆمەڵەکان ھەشت یانە براوەی قۆناغی دووەم بەشدارییان کرد. یانەکان دابەش بوون بەسەر دوو کۆمەڵەی چوار یانە و لە ماڵەوە و لە دەرەوەی یاریگا یارییان لەگەڵ یەکتر دەکرد و براوەی ھەر کۆمەڵەیەک لە یاری کۆتایی جامی ئەورووپا لە ساڵی ١٩٩٢ یەکتریان بینی. یاریی کۆتاییی لە ٢٠ی ئایاری ١٩٩٢ لە یاریگای وێمبڵی لەندەن لە نێوان سامپدۆریای ئیتاڵی و بارسێلۆنای ئیسپانی بەڕێوەچوو.[١] بارسێلۆنا دوای کاتی زۆرکراو یارییەکەی بە ئەنجامی ١–٠ بردەوە، بەھۆی لێدانی سزا کە یاریزان ڕۆناڵد کومان لێدانەکەی جێبەجێ کرد و گۆڵی سەرکەوتنی لە خولەکی ١١٢ تۆمارکرد.[٢][٣][٤]ئەمە یەکەم نازناوی جامی ئەورووپا بوو بۆ بارسێلۆنا و ھەروەھا بە بردنەوەی ئەم خولە بووە دووەم یانەی ئیسپانی کە پاڵەوانێتییەکە بباتەوە و وەھەروەھا بووە نۆزدەھەنین یانە کە جامەکە بەرزبکاتەوە.[٥]پاڵەوانی بەرگریکار، ئەستێرەی سوور بەلگراد، بەھۆی شەڕەکانی یوگۆسلاڤیاوە دەرفەتی یاریکردنی لە یاریگای خۆیان نەبوو، بەمەش چانسی بەرگریکردن لە نازناوەکەیان کەمکردەوە. لە قۆناغی کۆمەڵەکاندا ڕید ستار لە یاریگاکان دوورخرایەوە. ھەروەھا کۆتا وەرز بوو کە یانەکانی ئەو وڵاتە توانیان بەشداری پێشبڕکێی تۆپی پێی ئەورووپا بکەن لە ھاوینی ساڵی ١٩٩١ەوە سلۆڤینیا و کرواتیا سەربەخۆیی خۆیان ڕاگەیاند. یانەکانی ئینگلتەرا گەڕانەوە بۆ جامی ئەورووپا، دوای ئەوەی بۆ ماوەی پێنج ساڵ لە پاڵەوانێتییە ئەورووپییەکان قەدەغەکران، دوای کارەساتەکەی یاریگای ھایسل لە ساڵی ١٩٨٥. لیڤەرپوڵی پاڵەوانی خولی تۆپی پێی ساڵی ١٩٩٠ نەیتوانیبوو بەشداری لە جامی ئەورووپای ١٩٩٠–١٩٩١ بکات، چونکە بۆ ساڵی شەشەمی قەدەغەکرابوو. ئارسناڵ لە ساڵانی ١٩٩١–٩٢ نوێنەرایەتی ئینگلتەرای کرد، و گەیشتە قۆناغی دووەم.
| جامی ئەورووپای ١٩٩١-١٩٩٢ | |
|---|---|
| وەرزی وەرزشەکانی خول یان پێشبڕکێ | خولی یانە پاڵەوانەکانی ئەورووپا |
| پۆلی پێشبڕکێ | تۆپی پێی پیاوان |
| وەرزش | تۆپی پێ |
| ژمارەی چاپ | 37 |
| ڕێکەوتی دەستپێکردن | ١٧ی ئەیلوولی ١٩٩١ |
| ڕێکەوتی کۆتاییھاتن | ٢٠ی ئایاری ١٩٩٢ |
| ڕێکخەر | یەکێتی تۆپی پێ ئەورووپا |
| براوە | یانەی تۆپی پێی بارسێلۆنا |
| Statistical leader | Sergei Yuran، Jean-Pierre Papin |
| وێبگە | https://www.uefa.com/uefachampionsleague/history/seasons/1992/ |
سەرچاوەکان دەستکاری
- ^ classic, Guardian (2011-05-27). "From the Vault: Barcelona win the last European Cup final at Wembley". The Guardian (بە ئینگلیزی). ISSN 0261-3077. Retrieved 2023-12-30.
- ^ "FC Barcelona's first European Cup success: Wembley 1992". www.fcbarcelona.com (بە ئینگلیزی). Retrieved 2023-12-30.
- ^ "UEFA Champions League Winners List". www.topendsports.com. Retrieved 2023-12-31.
- ^ "The Games That Defined Modern Football: Barcelona 1-0 Sampdoria (1992) | Goal.com". www.goal.com (بە ئینگلیزی). 2020-04-28. Retrieved 2023-12-30.
- ^ Lewis, Aimee (2017-05-19). "The match that changed football". CNN (بە ئینگلیزی). Retrieved 2023-12-27.
بەستەرە دەرەکییەکان دەستکاری
- ١٩٩١-١٩٩٢ ھەموو یارییەکان – وەرز لە ماڵپەڕی یوفا
- ئەنجامی جامی ئەورووپا لە یاری Rec. وەرزش. دامەزراوەی ئاماری تۆپی پێ
- ھەموو گۆڵکارانی ١٩٩١–٩٢ جامی ئەورووپا بەپێی پرۆتۆکۆڵەکانی UEFA
- ١٩٩١/٩٢ جامی ئەورووپا - ئەنجامەکان و پێکھاتەکان (ئەرشیف)