بنکەی بۆشاییی محەممەد بن ڕاشد

ناوەندی بۆشایی ئاسمان محمد کوری ڕاشد دەزگایەکی حکومی دوبەیە و کار لەسەر بەرنامەی بۆشایی ئاسمانی ئیماڕات دەکات، کە پڕۆژەی جۆراوجۆری مانگی دەستکردی بۆشایی ئاسمانی لەخۆدەگرێت وەک:

• مانگی دەستکرد
• ھیوا (کەشتیی ئاسمانی)
• پڕۆژەی ئیمارات بۆ گەڕان دەربارەی مانگ

نیشانەی ناوەندی بۆشایی ئاسمانی محمدی کوڕی ڕاشد ئال مەکتوم

ناوەندەکە چالاکانە کاردەکات بۆ پێشخستنی زانستی بۆشایی ئاسمان و توێژینەوە لە ناوچەکەدا، ناوەندەکە دامەزراوەی ئیمارات بۆ زانست و تەکنەلۆژیای پێشکەوتوو (EIAST) لەخۆدەگرێت.

تێڕوانینی گشتی

دوبەیسات-٢، دووەم مانگی دەستکردی چاودێری زەوی لە ئیمارات

محەمەد بن ڕاشید ئەلمەکتوم، جێگری سەرۆک و سەرۆکوەزیرانی ئیماراتی یەکگرتووی عەرەبی و فەرمانڕەوای دوبەی، لە ٦ی شوباتی ٢٠٠٦ دامەزراوەی ئیماراتی بۆ زانست و تەکنەلۆژیای پێشکەوتوو (EIAST)ی دامەزراند، لە ١٧ی نیسانی ٢٠١٥ ناوەندی بۆشایی ئاسمانی محەمەد بن ڕەشید دروستکرا، کە EIASTی تێدا جێگیرکرا.

ناوەندەکە بەشداری دەکات لە پەرەپێدانی کەرتە جیاوازەکان لە ناو ئیماراتی یەکگرتووی عەرەبی و لە سەرانسەری جیهان، بە بەکارهێنانی داتای مانگە دەستکردەکانی ئیمارات و بەکارهێنانی جۆراوجۆری پەیوەست بە زانستی بۆشایی ئاسمان، ناوەندەکە پێشەنگە لە پێشخستنی زانستی بۆشایی ئاسمان و توێژینەوەی زانستی لە ئیمارات و ناوچەکەدا، هەروەها ناوەندی محمد کوڕی راشد پشتگیری لە ڕێکخراوە جیاوازەکان دەکات لە بەڕێوەبردنی کارەساتی سروشتی وەک ئەرکەکانی ڕزگارکردن، چاودێریکردنی ژینگە و پلاندانانی زەوی بە بەکارهێنانی وێنەی زەوی کە لە مانگە دەستکردەکانی ئیماراتەوە نێردراوەتەوە، لەوانە دوبەیسات-١ و دوبەیسات-٢.

دامەزراندن

لۆ دامەزراندنی ئابوورییەکی تایبەت بە توێژینەوە و زانست لە ئیماراتی یەکگرتووی عەرەبی، محەمەد بن ڕەشید ئال مەکتوم لە ساڵی ٢٠١٥ یاسایەکی لۆ دامەزراندنی ناوەندی بۆشایی ئاسمانی محەمەد بن ڕەشید دەرکرد، ناوەندەکە ئەرکی پشتگیریکردنی هەوڵەکانی وڵات لە بواری بۆشایی ئاسماندا پێسپێردرا لۆ سەرپەرشتیکردنی دیزاین و دروستکردن و خستنەبازاڕ و دروستکردنی ژێرخانی یەکگرتوو بۆ دروستکردنی مانگی دەستکرد و سودوەرگرتن لە بەکارهێنانە جیاوازەکانیان. محەمەد بن ڕەشید ئەلمەکتوم لە مانگی حوزەیرانی ٢٠١٥ فەرمانێکی دەرکرد بۆ دەستنیشانکردنی حەمدان بن محەمەد ئەلمەکتوم، شازادەی جێنشینی دوبەی وەک سەرۆک و سەرپەرشتیاری گشتی پلان و پڕۆژە ستراتیژییەکانی کۆمپانیا.

هاوکات لەگەڵ دامەزراندنی سەنتەری بۆشایی ئاسمانی محەمەد بن ڕەشید، شێخ محەمەد یاسایەکیشی دەرکرد بۆ پەیوەستبوون بە دامەزراوەی ئیمارات بۆ زانست و تەکنەلۆجیای پێشکەوتوو (EIAST) لەگەڵ ناوەندەکە و بە یەکێک لە دامەزراوەکانی سەر بە خۆی بزانێت لە چوارچێوەی یاساکەدا، ڕێکخراوی EIAST ئەو سیاسەت و پلان و بڕیارانە جێبەجێ دەکات و بەدواداچوون بۆ ئەو سیاسەت و پلان و بڕیارانە دەکات کە لەلایەن ناوەندی بۆشایی ئاسمانی محەمەد بن ڕەشیدەوە دانراون، دەستەی بەڕێوەبەری ناوەندی بۆشایی ئاسمانی محەمەد بن ڕەشید دەستنیشانکرا، لەوانە حەمەد عوبەید ئەلشێخ ئەلمەنسووری وەک سەرۆکی دەستەی کارگێڕی، یوسف ئەحمەد ئەلشەیبانی وەک جێگری سەرۆک، لەگەڵ مەنسور عەبدوڵڵا بەستەکی، محەمەد سەیف ئەلمیقبەلی و مەنسوور جومعە بو ئوسەیبە دەستنیشانکران وەک ئەندام.

سەنتەرەکە کارەکانی هەیە بۆ پێشخستنی تەکنەلۆژیای بۆشایی ئاسمان و توێژینەوەی زانستی لە ناوچەکەدا لە ڕێگەی پڕۆژە و بەرنامەی داهێنەرانە بۆ بۆشایی ئاسمان.

پڕۆژەکان

ناوەندی بۆشایی ئاسمانی محەمەد بن ڕەشید لە چوار بواری سەرەکیدا کاردەکات بە مەبەستی گەیشتن بەو ئامانج و ئامانجانەی کە بۆ پەرەپێدانی پیشەسازی بۆشایی ئاسمان لە ناوچەکەدا دانراون: * * * لێکۆڵینەوە و پەرەپێدانی بۆشایی ئاسمان.

• بەرهەمهێنانی مانگی دەستکرد و پەرەپێدانی سیستەم.
• چاودێریکردنی زەوی لە ڕێگەی وێنەی مانگی دەستکرد.
• خزمەتگوزاری وێستگەی زەمینی بۆ پشتگیریکردنی مانگە دەستکردەکانی تر.

یەکەم مانگە دەستکرد بە ناوی دوبەیسات-١ لە ٢٩ی تەمموزی ٢٠٠٩ لە شوێنی هەڵدانی بایکنور لە کازاخستان هەڵدرا و لەو کاتەوە سەنتەرەکە لەسەر شارەزایی خۆی بۆ دروستکردنی مانگی دەستکرد بە تەکنەلۆژیای پێشکەوتوو بۆ لێکۆڵینەوە و پەرەپێدانی باشتر بنیات دەنێت.