ئیلاستیک سێرچ
ئیلاستیک سێرچ (بەئینگلیزی: Elasticsearch) بزوێنەرێکی گەڕانە لەسەر بنەمای لووسیین کە گەڕانی دەقی تەواوی فرەچادری دابەشکراو بەردەست دەخات لەگەڵ ناوبەستێکی وێب لەسەر بنەمای ئێچ تی تی پی و بەڵگەنامەی گەڵاڵەئازاد لەڕێگەی جەیسۆنەوە. ئیلاستیک بە جاڤا پەرەی پێ دراوە و سەرچاوە کراوەیە لەژێر بەندەکانی مۆڵەتی ئەپاچی. ڕاژەخوازە فەرمییەکان بە زمانەکانی جاڤا، دۆت نێت (سی شارپ)، پایتن، پی ئەیچ پی، ئەپاچی گرووڤی، ڕووبی و گەلێک زمانی دیکە بەردەستە. [٢] بەپێی ھەڵسەنگاندنەکانی دی بی ئێنجنز، ئیلاستیک سێرچ باوترین بزوێنەری گەڕانی بازرگانییە و بەدوای ئەودا ئەپاچی سۆلار دێت کە ئەویش لەسەر بنەمای لووسیین کاردەکات. [٣]
 | |
| پەرەپێدەر(ان) | شای بانن |
|---|---|
| یەکەم وەشان | ٨ی شوباتی ٢٠١٠ |
| وەشانی جێگیر | 6.4.1 / ١٨ی ئەیلوولی ٢٠١٨[١] |
| ڕەوشی پەرەپێدان | چالاکە |
| نووسراوە بە | جاڤا |
| سیستەمی بەکارخەری | سەکۆبڕ |
| جۆر | گەڕان و پێرست |
| مۆڵەتنامە | ئەپاچی لووسیین 2.0 |
| وێبگە | elastic |
_logo.png){kind=logo} | |
| گشتی | |
| مامەڵە وەک | بورسەی نیویۆرک: ESTC |
| پیشەسازی | پەرەپێدانی نەرمامێر |
| بارەگا | ئەمستردام |
| بەرھەمەکان | ئیلاستیک سێرچ، لۆگستاش، کیبانا، بیتس |
| خزمەتگوزارییەکان | چارەسەرە بازرگانییەکانی ئیلاستیک سێرچ |
| وێبگە | elastic |
ئیلاستک سێرچ پەرەی پێدراوە شان بە شانی بزوێنەرێکی کۆکەرەوەی دراوە و پارسکردنی لۆگەکان بەناوی لۆگستاشەو (بەئینگلیزی: Logstash)، ھەروەھا سەکۆیەکی وێناکردن بەناوی کیباناەوە. ھەرسێ بەرھەمەکە دیزاین کراون بۆ بەکارھێنان وەک چارەسەرێکی تێھەڵکێشکراو، کە ناوە باوەکەی بریتییە لە "ئیلاستیک ستاک" (پێشتر: "ELK Stack"). ئیلاستک سێرچ دەکرێت بەکاربھێنرێت بۆ گەڕان بەنێو جۆرەھا بەڵگەنامە. گەڕانی گەشەخواز و نزیک ڕیەڵ تایم و فرەچادریی بەردەست دەخات. [٢] دراوەی ھاوپەیوەند زۆربەی جار لە ھەمان پێرستدا پاشەکەوت دەکرێت، کە پێک دێت لە شاردێکی سەرەکیی یان زیاتر و ھەروەھا لە ھیچ یان زیاتر لەشاردێکی ھاوتا. ئەو دەمەی پێرستێک درووست دەکرێت، ژمارەی شاردە سەرەکییەکان ناتواترێت بگۆڕدرێن. [٤]
ئیلاستیک سێرچ لووسیین بەکاردەبات و ھەوڵ دەدات کۆی تایبەتمەندییەکانی لەڕێگەی جەیسۆن و ناوبەستی پرۆگرامسازیی بەرنامەی بەکاربەری جاڤاوە دەستەبەر بکات. پاڵپشتیی دەکات لە گەڕانی فاسێت و فلتەرکردنی ھەنگاویی، [٥]، کە دەکرێت سوودی ھەبێت بۆ ھۆشدارکردنەوە ئەگەر بەڵگەنامەی نوێ ھاوتا بوو لەگەڵ کوێرییە تۆمارکراوەکاندا.
تایبەتمەندییەکی دیکەی ئیلاستیک سێرچ پێی دەڵێن "دەرەرێ" (بەئینگلیزی: Gateway) کە ھەڵگرتنی درێژخایەنی پێرست بەڕێوەدەبات. [٦] بەنموونە پێرستێک دەکرێت بەدەست بھێندرێتەوە لە دەرەڕێدا لەکاتی ڕوودانی تێکشکانی ڕاژەکاردا. ئیلاستیک سێرچ پاڵپشتی داواکاریی GETی ڕیەڵ تایم دەکات، کە وای لێ دەکات گوونچاو بێت وەک بنکەدراوەیەکی نۆ سیکوەڵ، [٧] بەڵام کورتھێنانی ھەیە لەڕووی مامەڵەی دابەشکراوەوە. [٨]
مێژوو
دەستکاریشای بانن پێشینەی ئیلاستیک سێرچی درووست کرد بەناوی کۆمپاس لە ٢٠٠٤دا. [٩] لەو کاتەدا کە بیری لە وەشانی سێیەمی کۆمپاس دەکردەوە، ئەوەی بۆ دەرکەوت کە گرنگە بەشە سەرەکییەکانی کۆمپاس دووبارە بنوسێتەوە بۆ درووستکردنی "چارەسەرێکی گەڕانی گەشەخواز". [٩] بۆیە "چارەسەرێک لەبنەماوە ئامادە بۆ دابەشکردن"ی درووستکرد و ناوبەستێکی باوی بەکار برد کە بریتیی بوو لە جەیسۆن لەسەر ئێچ تی تی پی، کە بەکەڵک بوو بۆ زمانەکانی تری پرۆگرامسازی جگە لە جاڤا. [٩] شای بانن یەکەم وەشانی ئیلاستیک سێرچی بڵاو کردەوە لە شووباتی ٢٠١٠دا. [١٠]
ئیلاستیک بی ڤی دامەزرا لە ٢٠١٢دا بۆ دەستەبەرکردنی خزمەتگووزاریی و بەرھەمی بازرگانی لەدەوری ئیلاستیک سێرچ و نەرمامێرە پەیوەندیدارەکانی. [١١] لە حوزەیرانی ٢٠١٤دا، کۆمپانیاکە ڕایگەیان کە بڕی ٧٠ میلیۆن دۆلاری پەیدا کردووە لە خولی فەند کردنی جۆری C دا، ئەمەش ١٨ مانگ دوای درووستبوونی کۆمپانیاکە. خولەکە پێشەنگی دەکرا لەلایەن New Enterprise Associates (NEA) ەوە. فەند پێدەرەکانی تر بریتیی بوون لە Benchmark Capital و Index Ventures. ئەم خوولە کۆی پارەی پەیداکراوی لە پاڵپشتیی دارایی بەرز کردەوە بۆ ١٠٤ میلیۆن دۆلار. [١٢]
لە ئاداری ٢٠١٥، کۆمپانیای ئیلاستیک سێرچ ناوەکەی گۆڕی بۆ ئیلاستیک سێرچ. [١٣]
لە حوزەیرانی ٢٠١٨دا، دەستی کرد بە خستنەڕووی گشتیی یەکەمین (بە ئینگلیزیی: Intial public offering) بە بەھای خەمڵێنردراوی نێوان ١.٥ بۆ ٣ ملیارد دۆلار.[١٤]
خزمەتگووزارییە بەڕێوەبراوەکان
دەستکاریزۆرێک ڕێکخراوە ئیلاستیک سێرچ وەک خزمەتگووزارییەکی بەڕێوەبراو دەست دەخەن. [١٥] ئەو خزمەتگووزاریانە ھەریەک لە خانەخوێکردن، دامەزراندن، پشتگیریی و ھەندێک پاڵپشتکردنی تر لەخۆ دەگرن. [١٦] زۆرینەی خزمەتگووزارییە بەڕێوەبراوەکان پاڵپشتیی بۆ کیباناش لەخۆ دەگرن.
سەرچاوەکان
دەستکاری- ^ «Releases - elastic/elasticsearch». لە ٢٥ی ئەیلوولی ٢٠١٨ ھێنراوە – via GitHub.
- ^ ئ ا «Official Website». Elasticsearch.org. لە ڕەسەنەکە لە ١٠ی ئازاری ٢٠١٥ ئەرشیڤ کراوە. لە ٤ی شوباتی ٢٠١٤ ھێنراوە.
- ^ «DB-Engines Ranking - popularity ranking of search engines». db-engines.com. لە ڕەسەنەکە لە ١٩ی تشرینی یەکەمی ٢٠١٨ ئەرشیڤ کراوە. لە ١٠ی کانوونی دووەمی ٢٠١٦ ھێنراوە.
- ^ «How to monitor Elasticsearch performance». لە ڕەسەنەکە لە ١٨ی کانوونی یەکەمی ٢٠١٨ ئەرشیڤ کراوە. لە ٣٠ی تشرینی دووەمی ٢٠١٨ ھێنراوە.
- ^ «percolate at elasticsearch.org reference». Elasticsearch.org. لە ڕەسەنەکە لە ٢ی تشرینی یەکەمی ٢٠١٣ ئەرشیڤ کراوە. لە ٤ی شوباتی ٢٠١٤ ھێنراوە.
- ^ «elasticsearch Guide: Gateway». elasticsearch. لە ڕەسەنەکە لە ١ی تشرینی یەکەمی ٢٠١٣ ئەرشیڤ کراوە. لە ١٩ی نیسانی ٢٠١٣ ھێنراوە.
- ^ «Elasticsearch as database». Karussell.wordpress.com. لە ڕەسەنەکە لە ٢١ی ئابی ٢٠١٨ ئەرشیڤ کراوە. لە ٤ی شوباتی ٢٠١٤ ھێنراوە.
- ^ «No transaction support». Elasticsearch-users.115913.n3.nabble.com. ٨ی تەممووزی ٢٠١٠. لە ڕەسەنەکە لە ٦ی تشرینی یەکەمی ٢٠١٨ ئەرشیڤ کراوە. لە ٤ی شوباتی ٢٠١٤ ھێنراوە.
- ^ ئ ا ب Banon، Shay. «The Future of Compass & ElasticSearch».
- ^ Banon، Shay (٨ی شوباتی ٢٠١٠). «You Know, for Search». لە ڕەسەنەکە لە ١٦ی کانوونی دووەمی ٢٠١٣ ئەرشیڤ کراوە.
- ^ «Immediate Insight from Data Matters». elastic.co. لە ٢٥ی ئازاری ٢٠١٥ ھێنراوە.
- ^ «ElasticSearch Scores $70M In Series C To Fund Growth Spurt». TechCrunch. AOL. لە ٢٥ی ئازاری ٢٠١٥ ھێنراوە.
- ^ «Elasticsearch Changes Name to Elastic to Reflect Wide Adoption Beyond Search». Elastic. لە ١٩ی تشرینی یەکەمی ٢٠١٦ ھێنراوە.
- ^ Schleifer، Theodore (21 June 2018). «The IPOs keep coming: The search company Elastic has filed to go public». Recode. لە ڕەسەنەکە لە ٥ی تشرینی یەکەمی ٢٠١٨ ئەرشیڤ کراوە. لە 22 June 2018 ھێنراوە.
{{cite news}}: نرخەکانی ڕێکەوت بپشکنە لە:|access-date=و|date=(یارمەتی); پارامەتری نەناسراوی|dead-url=چاوپۆشیی لێ کرا (|url-status=پێشنیار کراوە) (یارمەتی) - ^ «Hosted Elasticsearch & Kibana on AWS». elastic.co. لە ١٦ی تشرینی یەکەمی ٢٠١٦ ھێنراوە.
- ^ «Elasticsearch Setup». ctovision.com. لە ڕەسەنەکە لە ٢١ی ئابی ٢٠١٨ ئەرشیڤ کراوە. لە ١٦ی تشرینی یەکەمی ٢٠١٦ ھێنراوە.
| کۆمنزی ویکیمیدیا، میدیای پەیوەندیدار بە ئیلاستیک سێرچ تێدایە. |
