ویکیفەرھەنگ

ویکیفەرھەنگ (بە ئینگلیزی: Wiktionary) فەرھەنگێکی ناوەرۆک ئازادیی سەرھێڵە، لەسەر بنەمای ھاوکاری کراوە کە وشەسازی زۆرێک لە زمانەکانی جیھان دەگرێتەوە و واتا و وشەڕەتناسی و بێژەکردنی وشەکان لەخۆدەگرێت. ھەموو نووسینەکان بە ھاوبەشی لە ڕێگەی ویکییەوە ئەنجام دەدرێن، و بە ١٧٢ زمان بەردەستە، بە ھەردوو زارەوەی کوردییشەوە. لەبەر ئەوەی ویکیفەرھەنگ بەھۆی ڕەچاوکردنی شوێنی چاپەوە سنووردار نییە، زۆربەی چاپە زمانییەکانی ویکیفەرھەنگ پێناسە و وەرگێڕانی زاراوەکان لە زۆر زمانەوە پێشکەش دەکەن و ھەندێک چاپیش زانیاریی زیادە پێشکەش دەکەن کە بەزۆری لە لە «فەرھەنگی ھاوواتاکان» دەبینرێن.

ویکیفەرھەنگ
دامەزران	١٢ی کانوونی یەکەمی ٢٠٠٢
ناو بە زمانی فەرمی	Wiktionary
خوێندنەوەی ئای پی ئەی	ˌwɪkʃɪˈneɹi
دامەزرێنەر	جیمی وەیڵز، لاری سانگر، دامەزراوەی ویکیمیدیا، دانیاڵ ئالستۆن
جێ	مەیامی
خاوەن	دامەزراوەی ویکیمیدیا
چاپەکان	Wiktionary language edition
دانەر	جیمی وەیڵز
وڵاتی بنەڕەت	ویلایەتە یەکگرتووەکانی ئەمریکا
دابەشکەر	گووگڵ پلەی
کۆدی خشتە	6968
کارپێکەر	دامەزراوەی ویکیمیدیا
بزوێنەری نەرمامێر	میدیاویکی
وێبگە	https://wiktionary.org/
ھاشتاگ	ウィクショナリー
مۆڵەت	Creative Commons Attribution-ShareAlike 3.0 Unported
دۆخی چاپکردن	مافی بڵاوکردنەوە پارێزراوە
لە ویکیدراوە دەستکاریی زانیارییەکان بکە

مێژوو

ویکیفەرھەنگ لە ١٢ی کانوونی دووەمی ٢٠٠٢ دوای پێشنیارێکی «دانیال ئەلستۆن» و بیرۆکەیەکی «لاری سانگر» (ھاوبەشی دامەزرێنەری ویکیپیدیا) ھێنرایە سەرھێڵ. لە ٢٨ی ئازاری ٢٠٠٤ یەکەمین وەشانی ویکیفەرھەنگی نائینگلیزی بە زمانی فەرەنسی و پۆڵەندی دەستیپێکرد. لەو کاتەوە ویکیفەرھەنگ بە چەندین زمانی دیکە دەستی پێکردووە. ویکیفەرھەنگ لەسەر ناوی دۆمەینی کاتی (wiktionary.wikipedia.org) تا ١ی ئایاری ٢٠٠٤ داندرابوو، بەڵام دواتر بۆ ناوی پاوانی ئێستای گۆڕدرا. تا مانگی تەممووزی ٢٠٢١، ویکیفەرھەنگ زیاتر لە ٣٠ ملیۆن وتار (و چەندین نووسینی دیکە) لە نێو بڵاوکراوەکانیدا لەخۆگرتبوو. گەورەترین چاپی زمانەکان ویکیفەرھەنگ زمانی ئینگلیزییە کە زیاتر لە ٧٫٣ ملیۆن وتاری تێ نووسراوە، لە دوای ئەویش ویکیفەرھەنگی فەڕەنسی بە زیاتر لە ٤٫٦ ملیۆن و ویکیفەرھەنگی مالاگاسی بە زیاتر لە ١٫٨ ملیۆن وتارەوە. چل و سێ چاپی زمانی ویکیفەرھەنگ ھەریەکەیان زیاتر لە ١٠٠ ھەزار نووسراو لەخۆدەگرێت. زۆرێک لە پێناسەکانی گەورەترین چاپە زمانییەکانی پڕۆژەکە لەلایەن بووەتەکانەوە دروستکراون کە ڕێگەی داھێنەرانەیان بۆ دروستکردنی نووسینەکان دۆزییەوە یان (بە دەگمەن) بە شێوەیەکی خۆگەڕ ھەزاران نووسینیان لە فەرھەنگەکانی پێش ویکیفەرھەنگ ھاوردە کردووە. لە کۆی ١٨ بۆت کە لە ساڵی ٢٠٠٧دا لە ویکیفەرھەنگی ئینگلیزی تۆمارکرابوون، حەوت بۆتیان ١٦٣ ھەزار لەو نووسراوانەیان لەوێ دروست کردووە.

ویکیفەرھەنگی کوردیی ناوەندی

پڕۆژەی ویکیفەرھەنگ بە زمانی کوردیی ناوەندی بە فەرمی لە ڕێکەوتی ٢٩ی ئازاری ٢٠٢٣ دروست کرا و ڕاگەیاندرا.

ڕیزبەندی زمانەکانی ویکیفەرھەنگ

تا ئایار ٢٠٢٤، وێبسایتی ویکیفەرھەنگ بۆ 193 زمان هەیە کە 169 زمانیان چالاک و 24 زمانیان داخراوون. بەشە چالاکەکان ٣٩٬٢٥٧٬٠٦٥ وتاریان هەیە، بەشە داخراوەکانیش ٣٣٩ وتاریان هەیە. ٧٬٢٦٠٬٧٩٠ بەکارھێنەری تۆمارکراو ھەیە کە ٥٬٨٣٦ بەکارھێنەر لەم دواییانەدا چالاکن.

دە پڕۆژەی سەرەکی زمانی ویکیفەرھەنگ بەپێی ژمارەی وتارەکان لە ناوچەی سەرەکی:

ژ. زمان	ویکی	وتار	سەرجەم	دەستکارییەکان	بەکارھێنەران	بەڕێوەبەران	بەکارھێنەرە چالاکەکان	فایلەکان
1	ئینگلیزی	en	٨٬٠١١٬٤٩٢	٩٬٤٤١٬٨٩٢	٧٩٬٠٤١٬٧١١	٨١	٤٬١٧٩٬٧٤٢	٢٬٣٠٧	١٠
2	فەرەنسی	fr	٥٬٥٣٨٬١٢٢	٦٬١٥١٬٠٧٩	٣٤٬٣٤٩٬٨٩٩	٣٢	٣٧٠٬٠٨٢	٥٠٧	٦
3	مالاگاسی	mg	٤٬١٧٦٬٥٢١	٤٬٢٣٩٬٩٥٠	٣٢٬٧٢٦٬٩٩٦	٢	١١٬٩٤٣	٣٦	٣
4	چینی	zh	١٬٦٤٠٬٦٠٩	٢٬٢٤٩٬٥٥٨	٨٬٣٥٧٬٨٥٦	١٠	١١٩٬٨٢٢	٧٣	١
5	یۆنانی	el	١٬٥١٧٬٧٥٢	١٬٥٧٣٬٩٣٠	٦٬٧١٥٬٦٤٠	١٠	٦٠٬٧٢٤	٧٥	٢٣
6	ڕووسی	ru	١٬٣٥٢٬٨٩٢	٢٬٨٦٠٬٨٧٩	١٣٬٣٧٧٬٣٠٧	١٥	٣١٤٬٥٣٨	٢٦٩	١٨٢
7	ئەڵمانی	de	١٬١٢٢٬٥٦٣	١٬٣٠٣٬٦٤٧	١٠٬٠١١٬٤٥٨	١٣	٢٣٧٬٦٤٤	٢٠٧	١٠٥
8	کوردی	ku	١٬٠٠٠٬٧٤٠	١٬٠٩٦٬٥٩٥	٦٬٠٠٥٬٣٥١	٧	١٢٬٤٢٥	٣٤	١٥
9	ئیسپانی	es	٩٢٦٬٨٧٥	٩٨٤٬٨٥٢	٥٬٤٨٠٬٤٤٦	٨	١٦٦٬٧٦٩	١٣٤	١٤
10	سویدی	sv	٩٢٦٬٦٤٨	٩٦٥٬٦٥٠	٤٬٠١٩٬٣٩٥	١٣	٥٧٬٠٤٤	٦١	١

بۆ زانینی لیستێکی تەواو لەگەڵ کۆی گشتی سەیری ئاماری ویکیمیدیا بکە:

پێشوازی ڕەخنەگرانە

پێشوازی ڕەخنەگرانە لە ویکیفەرھەنگ تێکەڵ بووە. لە ساڵی ٢٠٠٦ جیل لیپۆر لە وتاری «کەشتی نوح» بۆ ڕۆژنامەی نیویۆرکەر نووسیویەتی:

لە ویکیفەرھەنگ ھیچ ھەوڵێک لەبارەی دەستی سەرەوە نییە. تەنانەت دەستەی سەرنووسەریش نییە. ڕەنگە دروشمی ویکیفەرھەنگ ئەوە بێت: "فەرھەنگنووسی خۆت بە!" کێ پێویستی بە کەسێکی شارەزا ھەیە؟ بۆچی پارەیەکی باش بدەین بۆ فەرھەنگێک کە لەلایەن فەرھەنگناسانەوە نووسراوە لەکاتێکدا دەتوانین خۆمان پێکەوەی دای بنێین؟ ویکیفەرھەنگ ئەوەندە کۆماریخواز و دیموکراسی نییە، ئەوەندەی ماویزمە؛ و تەنھا بەقەد ئەو کتێبانە باشە کە مافی چاپکردنیان بەسەرچووە و لێیان دەبات.

پێداچوونەوەی کیر گراف بۆ کتێبیلیست کەمتر ڕەخنەگرانە بوو:

ئایا شوێنێک ھەیە بۆ ویکیفەرھەنگ؟ بێ گومان. پیشەسازی و جۆش و خرۆشی زۆرێک لە دروستکەرەکانی بەڵگەی بوونی شوێنێکە؛ و زۆر باشە کە سەرچاوەیەکی تری تۆکمەت ھەبێت کە بەکاری بھێنیت کاتێک بەدوای ئەو دەستەواژە سەیرانەدا دەگەڕێیت کە لە جیھانی ئەمڕۆدا کە ھەمیشە لە گۆڕاندایە و لە ژینگەی ئۆنلاین دێنە ئاراوە؛ بەڵام وەک زۆرێک لە سەرچاوەکانی وێب (لەوانەش ئەم شوێنە)، باشترە لەلایەن بەکارھێنەرانی پێشکەوتووەوە بە ھاوبەشی لەگەڵ سەرچاوەی دەسەڵاتدارتر بەکاربھێنرێت.