کیربی (بە ئینگلیزی: Kirby) زنجیرەیەکی پاشکۆی یاری ڤیدیۆیی ئەکشنە، کە لەلایەن ستۆدیۆی ھالکنەوە پەرەی پێدراوە و لەلایەن کۆمپانیای نینتێندۆوە بڵاوکراوەتەوە. چیرۆکی زنجیرەکە باس لە سەرگەرمییەکانی پاڵەوانێکی پەمەیی دەکات بە ناوی کیربی کە ھەوڵدەدات ماڵەکەی لەسەر ھەسارەی دووری پلێستار لە ھەموو جۆرە ھەڕەشەیەک ڕزگار بکات. زۆربەی یارییەکانی ئەم کۆمەڵەیە یاری پلاتفۆرمی دوو ڕەھەندین کە توخمەکانی چارەسەرکردنی مەتەڵ و لێدانیان تێدایە. کیربی توانای ئەوەی ھەیە دوژمن و شتەکان بفڕێنێتە ناو دەمی و وەکو موشەک فڕێیان بداتە دەرەوە یان بیانخوات. ئەگەر ھەندێک خۆراک بخوات دەتوانێت ھێز یان تایبەتمەندی ئەو شتە بەدەستبھێنێت، کە وەک چەکێک یان ھێزێکی نوێ دەردەکەوێت کە پێی دەوترێت توانای کۆپی. ئەم زنجیرەیە تەنانەت بۆ ئەو کەسانەش داڕێژراوە کە ئاشنای یارییە ئەکشنەکان نین، لە ھەمان کاتدا یارییەکی قووڵتر و چالاکتر پێشکەش دەکات بۆ یاریزانانی بە ئەزموونتر. زنجیرەی کیربی لە زیاتر لە سی یاری پێکھاتووە و زیاتر لە ٣٨ ملیۆن یەکە لە سەرانسەری جیھاندا فرۆشراوە، ئەمەش وای کردووە ببێتە یەکێک لە پڕفرۆشترین پاشکۆکانی نینتێندۆ و یەکێکە لە ٥٠ باشترین پاشکۆکانی یارییە ڤیدیۆیییە فرۆشراوەکانی ھەموو سەردەمێک.
.png){kind=logo}
