کۆنفیدراسیۆنی کۆمەڵە کوردستانییەکان لە ئەڵمانیا
کۆنفیدراسیۆنی کۆمەڵە کوردستانییەکان لە ئەڵمانیا یان بە کورتی کۆن-مەد (بە کرمانجی: Konfederasyona Civakên Kurdistaniyên li Almanya، بە ئەڵمانی: Konföderation der Gemeinschaften Kurdistans in Deutschland E.V.) ڕێکخراوێکی چەترەکی بۆ کوردەکانی دانیشتووی وڵاتی ئەڵمانیایە. کۆن-مەد ئامانجی خۆی نەک ھەر بە تەنیا پاڵپشتی کردن لە کۆمەڵە کوردییەکان، بەڵکوو خۆڕێکخستنەوەی کورد لە بوارەکانی سیاسی، ئایینی، ئابووری و ڕۆشنبیری ڕایگەیاندووە. کۆن-مەد لە مانگی ئایاری ساڵی ٢٠١٩ دامەزراوەتەوە. پاشگری e.v. لە کۆتاییی ناوی کۆنفیدراسیۆنەکە بە واتای ئەوەیە کە بە شێوەیەکی یاسایی تۆمارکراوەتەوە.[١]
Konföderation der Gemeinschaften Kurdistans in Deutschland E.V | |
.png) | |
| ناوبڕ | کۆن-مەد |
|---|---|
| دامەزران | ئایاری ٢٠١٩ |
| شوێن | |
| وێبگە | https://kon-med.com |
مێژوو
دەستکارینەریتی خۆڕێکخستن لە نێو کوردەکانی ئەڵمانیا دەگەڕێتەوە بۆ ساڵانی ھەشتاکانی سەدەی ڕابردوو کە بە ھۆی شەڕێکی بەردەوام لە کوردستان، لەو کاتەدا کوردەکان لە چەند شەپۆلێکدا کۆچیان کرد بەڕەو ئەڵمانیا و ئەورووپا، تا ڕادەیەک کە جەماوەری کوردەکانی ئەڵمانیا ھەتا ١ ملیۆن کەسیش ھەزیر دەکرێت. ئەو کوردانە لە ئەڵمانیادا گرنگییەکی زۆرییان دەدا بۆ ئەوەی کە لە پێناوی ئاشتی و دیموکراسی و کۆتاییھێنانی ئاشتیانەی ململانێ لە زێدی خۆیاندا چالاکی بکەن. کۆن-مەد لەسەر ئەو نەریتە لە مانگی ئایاری ساڵی ٢٠١٩ دامەزراوە و گەیشتن بەو ئامانجانە و ھەروەھا پێشخستنی بەشداریی کۆمەڵایەتیی کوردەکان لە کۆمەڵگای ئەڵمانیای وەکوو ئامانجی خۆی ڕایگەیاندووەتەوە.[١]
نزیکەی ٢٥٠ دامەزراوە و ئەنجومەن و کۆمەڵەی کوردی بە ھەزاران ئەندام لە ژێر چەتری کۆن-مەد ڕێکخراون. لە چوارچێوەی نامەرکەزیەتی خۆڕێکخستنی دانیشتوانی کورد لە ئەڵمانیا، پێنج فیدراسیۆن دامەزران:
- فیدراسیۆنی کۆمەڵگەی ئازادی میزۆپۆتامیا لە ڕاینی باکوور-وێستفالیا (FED-MED NRW)
- فیدراسیۆنی دیموکراتی کۆمەڵگاکانی کوردستان (کاوە)
- فیدراسیۆنی کۆمەڵگە کوردستانییەکانی بادن-ڤورتەمبێرگ و باڤاریا (FCK)
- ناوەندی کۆمەڵایەتیی دیموکراتی کورد لە باکووری ئەڵمانیا (FED-DEM)
- فیدراسیۆنی ئازادی کوردستان لە ڕۆژھەڵاتی ئەڵمانیا (FED-KURD)[١]
کۆنفیدراسیۆنی کۆمەڵە کوردستانییەکان لە ئەڵمانیا ھەر بە تەنیا ڕێکخراوێکی چەترەکیی سەرتاسەری نییە، بەڵکو لە دەیان شاری ئەڵمانیاشدا نوێنەرایەتیی ھەیە کە “ناوەندە کۆمەڵایەتییە دیموکراتییەکانی کورد”یان پێ دەوترێت. ئەم ناوەندانە بۆ ھەموو دامودەزگا، یانەکان، پێکھاتە ئایینییەکان، دەستپێشخەری و گروپە کۆمەڵایەتییە کوردییەکان سەقفێکی ھەرێمی دابین دەکەن. ھەر گروپێک دەتوانێت لەژێر ئەو سەقفەدا تایبەتمەندییەکانی خۆی بپارێزێت و لە ھەمان کاتدا بە ھەماھەنگیی ھاوبەش لەگەڵ ئەوانی تردا کاردەکات.[١]
ئامانجەکان
دەستکاریکۆن-مەد بەرزڕاگرتنی مافە بنەڕەتییەکانی مرۆڤ، یەکسانیی ڕەگەزی، بەشداریکردنی دیموکراتی و بڵاوکردنەوەی ھۆشیاریی ئیکۆلۆژی لەنێو ئەندامەکانی خۆی و لەنێو کۆمەڵگەدا وەکوو بنەماکانی خۆی ڕاگەیاندووە.[١]
ئەمەش ببینە
دەستکاریسەرچاوەکان
دەستکاری- ^ ئ ا ب پ ت کۆنفیدراسیۆنی کۆمەڵە کوردستانییەکان لە ئەڵمانیا (کۆن-مەد): کۆنفیدراسیۆنی کۆمەڵە کوردستانییەکان لە ئەڵمانیا (کۆن-مەد) (بە ئەڵمانی)، نووسراو لە ١٩ی ئازاری ٢٠٢١؛ ٤ی کانوونی دووەمی ٢٠٢٤ لە وەیبەک مەشین، ئەرشیڤ کراوە. سەردان لە ٤ی کانوونی دووەمی ٢٠٢٤.
بەستەری دەرەکی
دەستکاری- ماڵپەڕی کۆن-مەد ٤ی کانوونی دووەمی ٢٠٢٤ لە وەیبەک مەشین، ئەرشیڤ کراوە.