کامێلۆت

کامێلۆت قەڵا و دەربارێکی ئەفسانەیییە کە پەیوەندی بە شا ئارسەرەوە ھەیە. کامێلۆت لە مادەی سەرەتایی ئارسەریدا نەبوو، بۆ یەکەمجار لە ڕۆمانسییەتەکانی سەدەی ١٢ی فەرەنسیدا دەرکەوت و لە دوای خولی لانسلۆت-گرایلەوە، دواجار وەک پایتەختی خەیاڵی کایەی ئارسەر و ھێمای جیھانی ئارتۆری وەسفکرا.

دەقەکانی سەدەی ناوەڕاست لە شوێنێک لە بەریتانیادا دیاری دەکەن و ھەندێک جاریش بە شارە ڕاستەقینەکانەوە دەیبەستنەوە، ھەرچەندە بەزۆری شوێنە وردەکەی ئاشکرا نەکراوە. زۆربەی زانایان بە تەواوی خەیاڵی دەزانن، جوگرافیا دیارینەکراوەکەی بۆ نووسەرانی ڕۆمانسی سوارچاکی تەواو و گونجاوە. سەرەڕای ئەوەش، دەمەقاڵێیەکان سەبارەت بە شوێنی «کامێلۆتی ڕاستەقینە» لە سەدەی پازدەھەمەوە ڕوویانداوە و تا ئێستاش لە کارە باوەکان و بۆ مەبەستی گەشتیاریدا بەردەوامن.