پیتزا
پیتزا خۆراکێکی ئیتالیاییە کە پێک ھاتووە لە نانێک کە سەرەکی بە تەماتە، پەنیر و چەند شتی دیکە بەپێی جۆری پیتزاکە (وەکوو: کوارگ، پیاز، زەیتوون، گۆشت، ئەنەناس و ھتد) پڕ دەکرێت و دواتر دەخرێتە ناو فڕن یان تەنوور بۆ برژاندن.[١] لە ئیتالیا لە شوێنە فەرمییەکان وەکوو ڕیستۆرانت پیتزا قاش ناکرێت و بە چنگاڵ و چەقۆ دەخورێت.[٢][٣] بەڵام لە ناو ماڵ یان شوێنە نافەرمییەکان، بە قاشکراوی و بە دەست دەخورێت. ناوی پیتزا بۆ یەکەم جار لە دەقێکی نووسراو بە زمانی لاتینی ھاتووە کە لە باشووری ئیتالیا دۆزاوەتەوە و مێژووەکەی دەگەڕێتەوە بۆ سەدەی ١٠ی زایینی.[٤] پیتزا بە شێوەی مۆدێرن لە ناپۆلی داھێنراوە و جۆرە جیاوازەکانی بە جیھاندا بڵاوبووەتەوە و بووە بە یەکێ لە بەناوبانگترین خۆراکەکان.
سەرچاوەکان
دەستکاری- ^ https://www.oed.com/view/Entry/144843
- ^ https://www.theguardian.com/food/2019/sep/06/how-to-eat-neapolitan-style-pizza
- ^ https://www.npr.org/sections/thesalt/2014/01/13/262087618/italians-to-new-yorkers-forkgate-scandal-fuggedaboutit
- ^ https://web.archive.org/web/20030115224054/http://www.yourdictionary.com/library/pizza.html
| کۆمنزی ویکیمیدیا، میدیای پەیوەندیدار بە پیتزا تێدایە. |