نیشانەکانی نەخۆشی (بە ئینگلیزی: Symptom) بەو نیشانانە دەڵێن کە نەخۆش بۆ خۆی پەی پێ دەبا و دەریدەبڕێت. ھەرچەند نیشانەیێ وەک ھێڵنج لە زۆرێک نەخۆشیدا دەبینرێت، بەڵام بەڵگە لە سەر نەخۆشی نیە (وەک نیشانەی دووگیانی). بەڵام بڕێ لە نیشانەکان تایبەتی یەک یا چەند نەخۆشین؛ وەک کوێر بوونی کتوپڕی.

نیشانەکانی نەخۆشی (Symptom) لەوانەیە بە ھەموو کەسێک بناسرێ ، بەڵام ھێماکانی پزیشکی تەنیا لە لایەن پزیشکەوە دەناسرێت. بۆ وێنە ھەموو کەسێک دەزانێ یاو نیشانەیەکە بۆ سەرھەڵدانی چڵک لە لەشدا، بەڵام تەنیا پزیشک گۆڕانکارییەکانی ئەزموونی خوێن و شریتی دڵ دەناسێت.