فەرموودەی مونکەڕ

فەرموودەی مونکەڕ بریتییە لەو فەرموودەیەی کە لە ڕشتەکەیدا کەسێک هەبێت هەڵەی بێمانا بکات، یان زۆر بێئاگا بێت، یان خراپەکاری لێدەرکەوتبێت. یان فەرموودەی مونکەڕ ئەو فەرمودەیەیە کە کەسێکی لاواز فەرموودەیەک بگێڕێتەوە بە پێچەوانەی کەسێکی جێی متمانە.[١]

نموونە بۆ پێناسەی یەکەم: ئیمامی نەسائی و ئیبن ماجە دەڵێن (حدثنا أو زكير يحيى بن محمد بن قيس، عم هشام بن عروة، عن أبيه، عن عائشة رضي الله عنها قال: قال رسول الله صلى الله عليه وسلم "كلوا البلح بالتمر، فإن ابن آدم إذا أكله غضب الشيطان").[٢][٣] واتا پێغەمبەر صلى الله عليه وسلم دەفەرموێت "خورمای خراپ بە خورمای چاکەوە بخۆن، چونکە ئەگەر مرۆڤ وایکرد شەیتان توڕە دەبێت". ئیمامی نەسائی دەربارەی ئەبو زوکەیر دەڵێت (منكر الحديث) بەم هۆیەوە فەرموودەکە بووە بە فەرموودەیەکی مونکەڕ.

نموونە بۆ پێناسەی دووەم : ئیبن ئەبو حاتەم دەڵێت (حدثنا حُبَيِّب بن حبيب الزيات، عن أبي إسحاق، عن العيزار بن حريث، عن ابن عباس، عن النبي صلى الله عليه وسلم قال "من أقام الصلاة، وآتى الزكاة، وحج البيت، وصام، وقرى الضيف دخل الجنة"). واتا پێغەمبەر صلى الله عليه وسلم دەفەرموێت "هەر کەسێک نوێژەکانی بکات، و زەکاتی ماڵەکەی بدات، و حەجی ماڵی خوا بکات، و ڕۆژوەکانی بگرێت، و ڕێزی میوان بگرێت ئەوا دەچێتە بەهەشتەوە" ئەبو حاتەم دەربارەی ئەم فەرموودەیە دەڵێت" فەرموودەیەکی مونکەڕە، چونکە کەسانی جێی متمانە فەرموودەکەیان وەک فەرموودەیەکی مەوقوف لە ئەبو ئیسحاقەوە گێڕاوەتەوە. نەک وەک فەرموودەیەکی مەڕفوع."

حوکمی فەرموودەی مونکەڕدەستکاری

فەرموودەی مونکەڕ یەکێکە لە فەرموودە زەعیفەکان. لەدوای فەرموودەی مەوزوع و فەرموودەی مەتڕوک خراپترین جۆری فەرموودەی زەعیفە. بەهیچ جۆرێک حوکمی شەرعی لە فەرموودەی مونکەڕ وەرناگیرێت.

سەرچاوەکاندەستکاری

  1. ^ نزهة النظر في توضیح نخبة الفكر. ابن حجر العسقلاني. تحقيق ناصر بن الهاب المطيري. دار ابن الجوزي. ٢٠١١
  2. ^ سنن ابن ماجه. تحقيق الألباني. مكتبة المعارف
  3. ^ سنن النسائي. تحقيق الألباني. مكتبة المعارف.