دانووب

ڕووباری دانووب یەکێکە لە درێژترین ڕووبارەکانی ئەورووپا ڕووباری دانوب بە نێودەوڵەترین ڕووبار ھەژماردەکرێت، کە بە نێو زەوی (٩) نۆ وڵاتی ئەوروپیدا دەڕوات، ئەم وڵاتانەش ئەڵمانیا-نەمسا-چیک-سلۆفاکیا-ھەنگاریا- یۆگسلافیای کۆن- بولگاریا- ڕۆمانیا- ڕوسیا. وە بە سێ پایتەختدا دەروات ئەمانەش (ڤییەننا- بۆدابست- بەلگارد). ڕووکە لە وڵاتی ئەڵمانیا سەرچاوە دەگرێت و بە نێوان زۆربەی وڵاتەکانی ئەورووپادا تێپەڕ دەبێت و لە ھەر وڵاتێکیشدا ناوێکی جیای ھەیە وەک: بە ئاڵمانی: Donau؛ بە سلۆڤاکی: Dunaj؛ بە ھەنگاری: Duna؛ بە کرواتی: Dunav؛ بە سربی: Дунав/Dunav؛ بە بولگاری: Дунав؛ بە ڕۆمانی: Dunăre؛ بە ئوکراینی: Дунай/Dunay؛ بە لاتینی: Danuvius.

نەخشەی ڕووباری دانووب

ئەم ڕووبارە بە ڕووباری پایتەختەکان بەناوبانگە چونکە بەناو چوار پایتەختی ئەورووپاییدا تێپەڕ دەبێت کە ئەمانەن: ڤیەننا، پراتیسلاڤا، بووداپێست، بێلگراد.

زێیەکانی ڕووبارەکە

ڕووباری دانووب زێی زۆری ھەیە کە گرینگترینیان ئەمانەن: ئەین، مۆرڤا، دراڤا، ساڤا، موریش، ئۆڵت، جیۆ، تیسا، ئیسا، پڕۆت کە ئەم زێیانە بە گرینگترین ڕووبارەکانی ناوەڕاست و ڕۆژھەڵاتی ئەورووپا دادەنرێن.