توندوتیژی

توندوتیژی یا زەبروزەنگ بریتییە لە بەکاربردنی زۆر بۆ زیان گەیاندن بە خەڵک یا گیاندارانی تر؛ بۆ وێنە، بۆ ئازاردان، بریندارکردن، کوشتن، ئێش پێگەیاندن، کاولکردن و لەمانە. ڕێکخراوەی جیھانیی ساغی ئاوا توندوتیژی پێناسە دەکا:

«بەکارھێنانی ئاگادارانەی زۆر یا دەسەڵات، بە ھەڕەشە یا بە کردەوە، دژی خۆ یا کەسانی تر، یا دژی کۆمەڵە یا دەستەیەک، کە یا بە واقیع ببێتە ھۆکار، یا زۆر ڕێی تێ بچێ ببێتە ھۆکاری برینداربوون یا مەرگ یا ئازاری ڕۆحی و ڕەوانی یا دواکەوتوویی یا بێبەشبوون.»