ڤەژینبوکس

ڤەژین بوکس (Vejîn Books) پرۆژەیەکە بۆ کۆکردنەوەی زانستییانەی دەقی ئەدەبی و مێژووییی زمانی کوردی لەسەر وێبدا کە ناوەندی فەرھەنگی ھونەریی ڤەژین بەڕێوەبەریەتی. ئەم پرۆژەیە بە شێوەی ویکی بەڕێوە دەچێت و بەشداربووان بەردەوام خەریکی چاکسازی و دەوڵەمەند کردنەوەی بابەتەکانن. ڤەژین بوکس لە ٢١ی شوباتی ٢٠١٦ دەستی بە کار کردووە و تا مانگی ئازاری ٢٠١٨، لە ٩٦ کتێبی ٦٤ نووسەر و شاعیری کورد بەرھەمی بڵاو کردووەتەوە. کەسانی بەشداربووی ئەم پرۆژەیە بە شێوەی خۆبەخش ھاوکاریی دەکەن. چەند دەزگای چاپ لە کوردستانیش ھاوکاریی پرۆژەکەیان کردووە.

پێوەری دانانی بەرھەمێک لەم پرۆژەیەدا ئەوەیە کە پێش ساڵی ٢٠٠٠ی زایینی چاپ کرابێت و نووسەرەکەی ئێستا مردبێت.

ئامانجەکانی ڤەژین بوکس بریتین لە:

• دروست کردنی کۆگایەکی دەق (text corpus) بۆ وێژەی زمانی کوردی
• بەھێز کردن زمانی کوردی لە ناوەرۆکی سەر وێبدا
• دابین کردنی پێگەیەکی ناوەندی بۆ ژێدەر پێدان بە سەرچاوە مێژوویی و ئەدبییەکان

گرێدان بۆ دەرەوە

• vejinbooks.com، ماڵپەڕی ڤەژین بوکس
• Vejîn Books لە فەیسبوکدا