Abdulwahab shwani

عەبدولوەهاب شوانی عەبدولوەهاب شوانی" نووسەر و شاعیر و هونەرمەند، (1983 لە دایک بووی هەولێر). عەبدولوەهاب حەمەد ئەحمەد، ناسراو بە عەبدولوەهاب شوانی، لە (1/7/1983) لە گوندی دووگردکانی شاری هەولێر، لەدوای (6) شەش کوڕ و (2) کچ لە دایک دەبێت و دەبێتە دوا منداڵی خێزانەکەیان و دوای ساڵێک باوکی بەهۆی نەخۆشیەوە دەمرێت، لە ساڵانی (2005 -2006) بە کالۆریۆس لە (زانکۆی سەلاحەددین) تەواو دەکات و لە ساڵانی (2010 -2012) ماستەر لە یاساو کارگێڕی گشتی لە زانکۆی (دی نیمسی) فەڕەنسی تەواودەکات، لە (25/10/2005) وەک کارمەندی حکومەت دادەمەزێت لە (وەزارەتی تەندرووستی) دوای (3) ساڵ خزمەتکردن، لە ساڵی (2007) ڕاژەکەی دەگوازێتەوە بۆ (وەزارەتی پەروەردە) لە بەشەکانی (کارگێڕی و خۆیەتی و داتا بەیس) کاردەکات لە وەزارەتی پەروەردەش دوای (3) سێ ساڵ خزمەتکردن، لە ساڵی (2010) ڕاژەکەی دەگوازێتەوە بۆ (وەزارەی ڕۆشنبیری) و لە کتێبخانەی گشتی هەولێر، بەردەوام دەبێت و بەرپرسیارەتی بەشەکانی (دۆسیە و بەشی منداڵان) لە کتێبخانە گشتی هەولێر وەردەگرێ و دواتر لەوێش دوای (4) چوار ساڵ خزمەتکردن، لە ساڵی (2013) ڕاژەکەی دەگوازێتەوە بۆ (بەڕێوەبەرایەتی ڕۆشنبیری منداڵان)و وەک (بەڕێوەبەری کارگێری و چالاکییەکان) بەردەوام دەبێت و دوای یەک ساڵ خزمەتکردن لە ساڵی (2014) ڕاژەکەی دەگوازێتەوە بۆ (بەڕێوەبەرایەتی هونەری سینەما) و لەوێش وەک (بەڕێوەبەری کارگێڕی و خۆیەتی) بەردەوام دەبێت تا ئێستا لە کارەکەی بەردەوامە. لە ساڵی (2000) یەکەم چیرۆکی خۆی بەناوی (پەنجە و کەیف و سەیف) لە مانگنامەی (هەوێن) بڵاو دەکاتەوە، لە ساڵی (2004) لە بڵاوکراوەی هەفتەنامەی (گزنگ) کە بڵاوکراوەیەکی ڕۆشنبیری زانکۆیی بوو گۆشەی (بلاتفۆرم)ی دەبێت، هەروەها لە ساڵی (2004)بابەت و بۆچوونە فکریەکانی خۆی لە ڕۆژنامەی (ئاڵا) بڵاودەکاتەوە، لە ساڵی (2005) لە بڵاوکراوەی (ڕۆشنایی) کە لە زانکۆی سەلاحەدین دەردەچوو، گۆشەی شیعری دەبێت، هەروەها لە ساڵی (2006) بابەتە فکریەکانی لە ڕۆژنامەی (دیدی نوێ) بڵاو دەکاتەوە لە گۆشەیەک لە لاپەڕەی بیر و هزر، لە ساڵی (2008) لە ڕۆژنامەی (میدیا)بۆچوونەکانی لە مەڕ گەنج، لە گۆشەیەک بەناوی (گەنجیزم) دەخاتە ڕوو، هەر لە ساڵی (2008)وە دەست بە چاپکردنی پەرتووکەکانی دەکات و بڵاویان دەکاتەوە. لە ساڵی (2006) و تا ساڵی (2015) وەک بەڕێوەبەری هونەری و نووسەر و سیناریستی (گرووپی دۆق شارتەر) کاردەکات، کە گرووپێکی هونەری بوو سەر بە وەزارەتی ڕۆشنبیری بوو، لەم ماوەیەدا (هۆنراوە) بۆ زیاتر لە (20) گۆرانی منداڵان دەنووسێت و لەهەمان کات سیناریۆش بۆ گۆرانیەکان دادەنێت و کلیپی دەکەن و لە کەناڵەکانی تەلەفزیۆنی بڵاوی دەکەنەوە و هەروەها (سیناریۆ) بۆ یەکەم زنجیرە درامای منداڵان دەنووسێت بە ناوی زنجیرە درامای (وانە) کە پێکدێت لە (10) ئەڵقە و خۆشی وەک ئەکتەر ڕۆڵ دەبینێت لە یەکەم ئەڵقەدا، هەروەها لەم ماوەیەدا (9) شانۆگەری منداڵان دەنووسێت و لە هەموو شارەکانی کوردستان نمایش دەکرێت، هەروەها لە ساڵی (2012) بە تەنیا (کۆمەڵی مرۆڤ دۆستانی کوردستان) دادەمەزرێنێت و بەڵام بەهۆی کاری ترەوە دەرفەتی نابێت کە تەواوکار لەسەر ئەم کۆمەڵەیە بکات و ماوەیەک دەیوەستێنێت و پاشان لە ساڵی (2013) ڕێکخراوی (کۆلارە بۆ ڕۆشنبیری منداڵان) لە (فەرمانگەی ڕێکخراوە نا حکومییەکان) تۆماردەکات و ئەم ڕێکخراوە دادەمەزرێنێت و دەست بە چالاکیەکانی دەکات بۆ ڕۆشنبیری منداڵان، لە هەمان ساڵدا لەگەڵ کۆمەڵێک هاوڕێ و هاوکاری خۆی (فیدراسیۆنی ڕێکخراوەکانی منداڵان) دادەمەزرێنن کە هەموو (ڕێکخراو و گرووپ و سەنتەر و خانەکان) لە خۆدەگرێت لەم فیدراسیۆنە وەک (بەڕێوەبەری کارگێڕی و خۆیەتی) دەستبەکار دەبێت و یەکەم چالاکیکیشیان بریتی دەبێت لە هەڵمەتی (نەهێشتنی شووکردنی خوار تەمەنی هەژدە ساڵی)، لە ساڵی (2014) پڕۆژەی مام نەورۆزی ڕادەگەیەنێت کە پڕۆژەیەکی (ڕۆشنبیری هونەری و پەروەردیی) منداڵانە، ئەم پڕۆژەیە یەکەم کارەکتەری منداڵان لە خۆدەگرێت ئەویش"(کەسایەتی مام نەورۆز)ە، کە لەلایەن (خانم ڕۆستایی) لە (تەهران)ی پایتەختی ئێران درووست کراوە و لە (1/6/2014) لە ڕۆژی جەژنی جهانی منداڵان لە (هۆڵی میدیا) لە شاری (هەولێر) کەڕەنەڤاڵی مام نەورۆزی ئەنجامدەدا" لەژێر ناوی (کەرنەڤاڵی مام نەورۆز بۆ ناساندنی یەکەم کەسایەتی منداڵان) بە ئامادەبوونی منداڵانی هەموو شارەکانی کوردستان و لە ڕێگەی شاجوانی کەسایەتی کوردستان، کەسایەتی مام نەورۆز، وەک یەکەم کەسایەتی منداڵان لە مێژووی کورد نمایشکرا. لە ساڵی (2008) سێ کتێب بڵاو دەکاتەوە بەناوەکانی (444 شەو) کە وەزارەتی ڕۆشنبیری ئەرکی چاپ و بڵاوکردنەوەکەی لە ئەستۆ دەگرێت و لە پێشەنگەی تهران لە وڵاتی ئیران لەو ساڵەدا ئەم کتێبە دەبێتە پڕفرۆشترین کتیبی پێشەنگەی وەزارەتی ڕءشنبیری و دواتر کتێبی (عشق واتە 1+1=1) بڵاو دەکاتەوە کە ئەرکی چاپ و بڵاوکردنەوە دەزگای بەهرە لە خۆی دەگرێت و هەر لە هەمان ساڵ کتێبی (وەزیری تەنیایی) بڵاو دەکاتەوە کە دەبێتە یەکێک لە ناونیشانە شیعرەکانی و بە ووتەی (ڕێبوار سیوەیلی) لە دوا دیمانەی ڕۆژنامەی میدیا، وەزیری تەنیایی قوتابخانەیەکی تازەیە لە شیعری کوردی. ............................................................................................

• عەبدولوەهاب شوانی
• لە دایک بووی 1983- کەرکوک- کوردستان
• بەکالۆریۆس/ لە زانکۆی سەڵاحەددین 2005-2006
• ماستەر / لە یاسا و کارگێڕی گشتیی 2010 - 2012
• بەڕێوەبەری کارگێری/ لە فیدراسۆنی ڕَیکخراوەکانی منداڵان 20013.
• سەرۆکی ڕێکخراوی کۆلارە/ بۆ ڕۆشنبیری منداڵان 2013.
• سەرۆکی کۆمەڵەی مرۆڤ دۆستانی کوردستان 2012.
• بیرۆکە و خاوەنی پڕۆژەی/ مام نەورۆز 2013.
• بەڕێوەبەری کارگێڕی/ تۆڕی بەرگری لە منداڵان 2014.
• بەڕێوەبەری کارگێڕی/ لە بەڕێوەبەرایەتی هونەری سینەما/ هەولێر.2015.
• سەرنووسەر و خاوەن ئیمتیازی/ گۆڤاری مام نەورۆز/ 2015.

..................................................

• پــەرتـــــووکە چاپکراوەکانم:
• 1- (444 شەو): چاپخانەی وەرزارەتی رۆشنبیری، هەولێر/ چاپی یەکەم2008.
• 2- (444 شەو): چاپخانەی وەرزارەتی رۆشنبیری، هەولێر/ چاپی دووەم 2012.
• 3- (وەزیری تەنیایی) : چاپخانەی شەهاب، هەولێر/چاپی یەکەم 2008.
• 4- (عەشق واتە: 1+1=1): چاپخانەی چوارچرا، سلێمانی/ چاپی یەکەم 2008.
• 5- (زمانی دایک) : شانۆی منداڵان: چاپخانەی حاجی هاشم/ هەولێر 2013.

..............................................................................................................

• نووسەری (7) زنجیرە کتێبی منداڵان، بەناوی (پەڵکە زیڕینە)
• 1. هاوڕێیانی دارستان:....لە تەمەنی (3) ساڵی بۆ (12) ساڵان.
• 2. وانە :......................... لە تەمەنی (6) ساڵی بۆ (15) ساڵان.
• 3. کۆلارە:..................... لە تەمەنی (8) ساڵی بۆ (18) ساڵان.
• 4. جۆلانێ:................... لە تەمەنی (6) ساڵی بۆ (18) ساڵان.
• 5. پەلکەزێڕینە:............ لە تەمەنی (3) ساڵی بۆ (12) ساڵان.
• 6. ئامۆژگارییەکانی داپیرەم:... لە تەمەنی (3) ساڵی بۆ (12) ساڵان.
• 7. بەبە:....................... لە تەمەنی (3) ساڵی بۆ (12) ساڵان.

...........................................................................

• شانۆ و فیلم و دراما
• نووسەری (8 ) هەشت شانۆی منداڵان کە هەر یەکێک زیاتر لە جارێک نمایشکراوە.

•* شانۆگەری چاوپشیلە و دەنگ قەڵەڕەش.............................. حەوت (7)جار نمایشبکرا لە هەولێر. 2010. • *شانۆگەری سێ هاوڕێ گەشتیارەکە........... پلەی دووەم وەرگرت لە سەر ئاستی کوردستان لە فیستڤاڵی نێرگز2011. •* شانۆگەری وانەی یەکەم........................ لە شارەکانی هەولێر و بارزان و کۆیە و سۆران نمایشکراوە. 2011.

• شانۆگەری زمــانی دایــک..... لە شارەکانی هەولێر و کۆیە و مەسیف و شەقلاوە و هەریر و سۆران کە 8جار نمایشکرا 2012.

•* شانۆگەری پاشای دارستان..................... 2013. لە فیشتڤاڵی ئازار و نەورۆز لە هەولێر نمایشکراوە 2013. • *شانۆگەری کچە قوتابی و کلێنس فرۆش........یەکەم شانۆبوو لەسەر کەناڵی ئاسمانی ڕاستەوخۆ نمایشکرا 2009. • *شانۆگەری نێـرگزەکانـی مام نەورۆز.................لە فیشتڤاڵی ئازار و نەورۆز لە هەولێر نمایشکراوە.2013. • *ئاوێنە شکاوەکە............................................. لە شارەکانی هەولێر و کۆیە و سلێمانی و دهۆک 2013.

• *نووسەر و سینارییست و پرۆدیسەر:

• (3) سێ فیلمی منداڵانە، کە خەڵاتی باشترینی بەدەست هێناوە.
• 1- ژیان لە دڵۆپێک. 2010.
• 2- کۆڵانی بێ کەسی. 2009.
• 3- گەمەکانی ژیان. 2008.
• 4- تۆربە. 2008.
• 5- هەزار مێرد.2015.

................................................

• *نووسەر و سیناریستی: یەکەم زنجیرە درامای منداڵان لە کوردستانی عێراق، بەناوی (زنجیرە درامای وانە) کە زنجیرەیەک درامای پەروەردەیی بوو بۆ *منداڵانی کورد لە ساڵی (2012) پەخشکرا،

• یەکەم جار لە (کەناڵی ئاسمانی هەولێر) دواتر لە کەناڵەکانی تر.
• کلیپ و گۆرانی و شیعر

•* زیاتر لە (40) چل شعرم کراوتە سروود و گۆرانی منداڵانە و نیشتمانی.

• بۆنموونە: ئەمانە تەنها نموونەیەکی زۆر کەمە، کەهەمووی لە ساڵی 2012 نووسراون و کراونەتە گۆرانی و کلیپ:
• 1- نووسینی هۆنراوەی (پیانۆ)..............گوتنی: ئالا غفور. (کلیپکراوە)
• 2- نووسینی هۆنراوەی (هەولێرەکەم).........گوتنی: هەکار حەسەن. (کلیپکراوە)
• 3- نووسینی هۆنراوەی (ڕۆژی خۆشی)..........گوتنی: یاد سەباح ڕەنجدەر. (کلیپکراوە)
• 4- نووسینی هۆنراوەی (نیشتمان)............. گوتنی: وەلید ڕواندزی. (کلیپکراوە)
• 5- نووسینی هۆنراوەی (ساڵی نوێ)............ گوتنی: هەکار حەسەن. (کلیپکراوە)
• 6- نووسینی هۆنراوەی (نا بۆ جەنگ).........گوتنی: هەکار حەسەن. (کلیپکراوە)
• 7- نووسینی هۆنراوەی (پشوو)................گوتنی: ڕەنوو جەوهەر . (کلیپکراوە)
• 8- نووسینی هۆنراوەی (نا).................. گوتنی: هێڤی پشتیوان کۆیی. (کلیپکراوە)
• 9- نووسینی هۆنراوەی (پێکەنین)............. گوتنی: هەکار حەسەن. (کلیپکراوە)
• 10- نووسینی هۆنراوەی (وانە)......... گوتنی: هەکار حەسەن. (کلیپکراوە)
• 11- نووسینی هۆنراوەی (گەشت)........ گوتنی: هەکار حەسەن. (کلیپکراوە)
• 12- نووسینی هۆنراوەی (سوپاس پێشمەرگە) گوتنی: کۆرس. (کلیپکراوە)
• 13- نووسینی هۆنراوەی (ڕۆژی خۆشی) گوتنی: کۆرس. (کلیپکراوە)
• 14- نووسینی هۆنراوەی (یەکی شەش) گوتنی: کۆرس. (کلیپکراوە)
• 15- نووسینی هۆنراوەی (کوردستان) گوتنی: کۆرس. (کلیپکراوە)

............ ..............................................................................

• شیعر و هۆنراوە

• *نووسەری،(تایتل و حەیران و لاوک و مەقام)ی زنجیرە درامای (رەیحانە) " لەسەر خۆشەویستی نێوان (رەیحانە و مەزڵوم) لە کەناڵی ئاسمانی کوردستان پەخشکرا. • *نووسەر و سیناریست و خوێندنەوەی 4 کلیپی شیعری.

• 1- دوا هەناسە/نووسین و خوێندنەوە 20012" یەکەم جار لە ساڵی 2012 لە کەناڵی ئاسمانی.
• 2- میحرابی دڵ/ نووسین و خوێندنەوە. 2008 (کلیپکراوە).
• 3- ئیلاهی/ نووسین و خویندنەوە 2008 (کلیپکراوە).
• 4- وانەی جوگرافیا/ بۆ مندڵان، نووسین و خویندنەوە. 2013 (کلیپکراوە).

..... عەبدولوەهاب شوانی لە دایک بوون: 1-7-1983 نیشتەجێ: هەولێر نەتەوە: کورد ناوەکانی تر: عەبدولوەهاب حەمەد پیشە: نووسەر و هونەرمەند و ڕۆژنامەنووس ساڵانی چالاکی: لە ساڵی (2000) و تاکو ئێستا بڕوانامە: ماستەر لە یاسا وکارگێڕی گشتی لە زانکۆی دی نیمسی فەڕەنسی