ئاڵۆزییەکانی عێراق (٢٠٢٢)
ئاڵۆزییەکانی عێراق (عەرەبی: التوترات في العراق) یاخود بە خۆپیشاندانەکانی بەغدا ناودەبرێت، ئاڵۆزییەکان کاتێک دەستیان پێکرد کە موقتەدا سەدر سەرکردەی دیاری شیعیزم و ڕەوتی سەدر لە عێراق، لە بەیاننامەیەکدا داوای لە لایەنگرانی کرد لەبەردەم پەرلەمان کەمپ ھەڵبدەن و خۆپیشاندانی ھێمنانە دەست پێبکەن و داوای ھەڵبژاردنی نوێ بکەن، ھەفتەیەک دوای ئەو بەیاننامەیەی سەدر، لایەنگرانی سەدر دەستیان بەسەر کۆشکی کۆماری حوکومییدا گرت و شەڕ و پێکدادان لەگەڵ ھێزە ئەمنییەکان دەستیپێکرد.[١]
قووڵبوونەوەی ئاڵۆزییەکان
دەستکاریپاش مانگێک لە خۆپیشاندانەکان، ھەزاران خۆپیشاندەر لەژێر ناوی لایەنگرانی سەدر، بینای حکوومیی ئەنجومەنی وەزیرانیان لە بەغدای پایتەخت کۆنتڕۆڵکرد و بەرەو بەشەکانی تری ناوچەی سەوز بەڕێکەوتن.[٢][٣] گرووپێک لە پشتیوانانی سەدر بەناوی (سەرایە سەلام) لە ناوچەی سەوز کە بینا حکوومییەکان و نوێنەرایەتییە بیانییەکان و باڵیۆزی وڵاتانی لێیە، بڵاوبوونەوە و دۆخەکەیان بەسوودی لایەنگرانی سەدر شکاندەوە و شەڕی ڕووبەڕووی ھێزی حوکومەتیان ڕاگەیاند. سەرەڕای گرتنەبەری ڕێوشوێنی ئەمنیی، بەڵام گرووپەکە بەربەستە ئەمنییەکانی ناوچەی سەوزیان تێپەڕاند و داوایان لە بەرپرسانی حوکوومەت کرد دەست لە کار بکێشنەوە، دوای زیادبوونی ئاڵۆزییەکانیش لەلایەن فەرماندەی سپا و ھێزە چەکدارەکانەوە، قەدەغەی ھاتوچۆ لە بەغدا و چەند پارێزگایەکی دیکەی عێراق ڕاگەیەندرا.[٤]
وازھێنانی موقتەدا سەدر
دەستکاریدوای ئەوەی موقتەدا سەدر ڕێبەری ڕەوتی سەدر وازھێنانی خۆی لە کاری سیاسی ڕاگەیاند، خۆپیشاندانەکانی بەغدا ئاڵۆزی زیادتری تێکەوت و خۆپیشاندەران ھەوڵیان دەدا زیاتر بچنە ناوەندی ناوچەی سەوز.[٥]
ئاکامەکان
دەستکاریبەگوێرەی سەرچاوە تەندروستییەکانی عێراق، بەھۆی شەڕ و پێکدادانەکانی بەغدا و چەند پارێزگایەکی باشووری عێراق لەنێوان خۆپێشاندەران و ھێزە ئەمنییەکان، لانیکەم ٢٨ کەس کوژراون و ٣٨٠ کەسی دیکەش بریندار بوون.[٦]
سەرچاوەکان
دەستکاری- ^ Adnan، David S. Cloud and Ghassan (2022-08-29). «Violence Erupts in Baghdad After Iraqi Cleric Moqtada al-Sadr Quits Politics». Wall Street Journal (بە ئینگلیزیی ئەمەریکایی). ISSN 0099-9660. لە 2022-08-30 ھێنراوە.
- ^ «Iraq tensions soar as thousands join counter-rally against parliament occupation». France 24 (بە ئینگلیزی). ١ی ئابی ٢٠٢٢. لە ٣٠ی ئابی ٢٠٢٢ ھێنراوە.
- ^ «Violence in Iraq escalates: List of key events». www.aljazeera.com (بە ئینگلیزی). لە ٣٠ی ئابی ٢٠٢٢ ھێنراوە.
- ^ «وەزارەتی دەرەوەی تورکیا: ڕووداوەکانی عێراق جێگەی نیگەرانین». www.aa.com.tr. لە ٣٠ی ئابی ٢٠٢٢ ھێنراوە.
- ^ https://www.kurdistan24.net/ckb/story/224646-لایەنگرانی-سەدر:-دەست-بەسەر-کۆشکەکاندا-دەگرین
- ^ www.rudaw.net https://www.rudaw.net/sorani/middleeast/iraq/3008202211. لە ٣٠ی ئابی ٢٠٢٢ ھێنراوە.
{{cite web}}: پارامەتری|title=ونە یانیش واڵایە (یارمەتی)