ئەفسانەی کۆرا (وەرزی دووەم)

پەڕتووکی دووەم: ڕۆحەکان، دووەم وەرزی زنجیرەی تەلەڤیزیۆنی ئەنیمەیشنی ئەمریکی، ئەفسانەی کۆرایە. لەلایەن مایکڵ دانتێ دیمارتینۆ و برایان کۆنێتزکۆ دروستکراوە. وەرزی دووەم پێکھاتووە لە ١٤ ئەڵقە، لە ١٣ی ئەیلوولی ٢٠١٣ لەسەر کەناڵی نیکلۆدیۆن لە ئەمریکا دەستی بە پەخشکردن کرد.

ئەفسانەی کۆرا (وەرزی دووەم)
وڵاتی بنەڕەت	ویلایەتە یەکگرتووەکان
ژ.ی ئەڵقەکان	١٤
بڵاوکردنەوە
تۆڕ	نیکلۆدیۆن
بڵاوبوونەوەی ڕەسەن	١٣ی ئەیلوولی ٢٠١٣ (2013-09-13) – ٢٢ی تشرینی دووەمی ٢٠١٣ (2013-11-22)
کاتزانیی وەرز

کورتە

ئەم وەرزەی زنجیرەکە سەرنج دەخاتە سەر ڕۆڵی ئەڤەتار کۆرا وەک پردی نێوان جیھانی مرۆڤەکان و جیھانی ڕۆحەکان، و ململانێی ھەردوو جیھانەکە.

پەڕتووکی دووەم لە وەرزی دووەم، شەش مانگ دوای ڕووداوەکانی پەڕتووکی یەکەم دێت؛ گێڕانەوەی نێوان شاری کۆمار و شوێنەکانی دیکەی جیھانەکەیە، لەوانە جیھانی ڕۆحەکان و ھۆزی ئاوی جەمسەری باشوور. ئۆنالاک مامی کۆرا، سەرۆکی ھۆزی ئاوی باکوور، دەست بەسەر ھۆزی ئاوی باشووردا دەگرێت وەک بەشێک لە پیلانێک بۆ ئازادکردنی ڤاتوو، چیرۆکەکە دەگۆڕێت بۆ ھەوڵەکانی ھاوڕێکانی کۆرا بۆ بەدەستھێنانی پشتیوانی بۆ ھۆزی باشوور لە ھێزەکانی شاری کۆمار تا لە دژی ئۆنالاک بەکاری بھێنن، ھەروەھا ھەوڵەکانی کۆرا بۆ پووچەڵکردنەوەی پلانەکانی ئۆنالاک و فێربوونی ڕۆحی. ھەر لەم وەرزەدا چیرۆکەکە دەچێتە سەر یەکەم ئەڤەتاری مێژووی جیھانەکە بە ناوی وان، ھاوشێوەی فلاش باکێک بۆ ئەڤەتار کۆرا؛ لێرە سەرنج دەچێتە سەر مێژوو و چۆنیەتی دروستبوونی جیھانەکە و ملکەچپێکردنی توخمەکان لە جیھانەکەدا.

کارەکتەرە نوێیەکان کە لەم وەرزەدا ناسێندراون بریتین لە: ئۆنالاک و منداڵەکانی بەناوی دێسنا و ئێسکا، کیا و بومی، خوشک و برای تێنزن و کوڕ و کچی ئانگ، ڤاریکیش کە داھێنەر و بازرگانێکی بەتوانا و دەوڵەمەندە لە ھۆزی ئاوی باشوور.

ئەمانەش ببینە

• ئەفسانەی کۆرا