عەلی ناجی عەتار
عەلی ناجی عەتار :(١٩١٠-١٩٩٨) نووسەر و شاعیر ، شارەزای بواری توتن
سەرەتای ژیان و خوێندنی
دەستکاری
عەلی ناجی کوڕی کاکەحەمە کوڕی ئەمین عەتار و لە نەوەی مەحموود ئاغای شیوەکەڵە، ساڵی ١٩١٠ لە شاری سلێمانی ھاتووەتە دنیاوە. قۆناغەکانی خوێندنی سەرەتایی و ناوەندیی لە سلێمانی و ئامادەییی لە (ئامادەییی مەرکەزی)ی بەغدا تەواوکردووە. کە ساڵی ١٩٣٠ لە ھاتنی بریکاری کۆمیسێری بەرزی ئینگلیزدا بۆ سلێمانی، وتاری بە ئینگلیزی لە بەردەمیدا خوێندووەتەوە.[١][٢]
وەزیفەكانی
دەستکاریپاشان لە کۆمپانیای نەوتی کەرکووک کەوتووەتە کار. کە ژنی ھێناوە، گەڕاوەتەوە بۆ سلێمانی و لە دائیرەی تەسوییەی سلێمانی دامەزراوە. پاشان گواستوویەتیەوە بۆ دائیرەی ئینحیساری تووتنی سلێمانی. ساڵی ١٩٦٧ لەم وەزیفەیەدا خانەنشین بووە.[١][٢]
كۆچی دوایی
دەستکاریساڵی ١٩٩٨یش لە بەغدا کۆچی دواییی کردووە و لە گۆڕستانی (ئەبووغرێب) بە خاک سپێردراوە.[١][٢]
نووسین و بەرهەمەكانی
دەستکاریعەلی ناجی، عەرەبی و ئینگلیزی وکەمێک فارسیی زانیون و نووسینی لە (گەلاوێژ، ژین، ھاوکاری)دا بڵاوکردووەتەوە. بە حوکمی کارکردنی لە بواری تووتندا، شارەزایییەکی زۆری ھەبووە و بە کوردی و عەرەبی لەسەری نووسیوە.[١][٢]
- گیروگرفتی تووتن، چاپخانەی کامەران- سلێمانی، ١٩٥٩،
- دیوانی شیعری (ھۆنراوەکانم)، ١٩٨٦،
- فەرھەنگی گشتگری دەریا (گفتوگۆ- زمان)، ٣ بەرگ، چاپخانەی ڕۆشنبیری- ھەولێر، ٢٠١٠،
- کتێبێکی عەرەبی بە ناوی (التبغ)ەوە (دەستنووسە) .
سەرچاوەکان
دەستکاری- ^ ئ ا ب پ ت گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .ل 8145
- ^ ئ ا ب پ ت وێنە و لاپەڕەیەکی ژیاننامەکەی، ئامادەکراوی بەڕێزان ئەمیر و بەسامی کوڕانی.