عەبدولمالکی

عەبدولمالکى (ف: عبدالملکى) یان عەبدولمەلەکى هۆزێکى کوردن لە ناوچەى زاغمەرزى مازەندەرانن. بە رەچەڵەک کوردى کرماشان و نیاوەنن. دەگوترێ کە لە بنەڕەتدا لەکن و بە شێوەزارێکى کوردى گۆرانى دەدوێن .

شوێنى دابەشبوونیان

بە گشتى ئێستا لە مازەندەران لە ناحیەى میانکالە لە چوار ناوچەدا دەژین میراباد و زاغمەرز و زینەوەند و حوسێن ئاباد ، بە چوارگەلە (قەلا)ى عەبدولمالکى ناسراون. دەبن بە چوار بەش: میرەوەند و زینەوەند و کەلەوەند (کولیەوەند) و شێخەوەند.  تیرەى میرەوەند لە زاغمەروز و بەسەر چوار بەرەدا دابەش دەبن :  پاشاکولاهی، کولوەسەند، شاقولى و چوارپەنجە. ئەوانى زینەوەند دەبن بە چەند هۆزی بچووک:  هۆزە قەرە، ئەشتەمى، مراوێژ، شێبەسەرى، هۆزەدەوەند، هۆزى رەزا. تیرەى کالەوەند  بریتین لە کەمەرشاهى و جەمالەوەند و سلیەکوتى، لە ئاوایی حوسێناوا دادەنیشن. ئەوانەى میرابادیش شێخەوەندن  لە تیرەی  حەتەم و مریدوەند و مەلەک شەعبانن.

پێشینەى زێد و زمان

ناوى ئەم هۆزە لە تەک زەنگەنە و رۆژبەیانى و فەیلى (فەضلى) و لەک و جودکى ناو لیستى هۆزەکانى لوڕسناندا هاتووە پەرتووکى (منتخب التواریخ معینی) دانراوى موعین نەتەنزى (١٤٠٥ز) لە رۆژگارى شاهانى ئێران ئەمانە دارودەستەى لوتفعەلى خانى زەند بوون، لە دەورانى محەمەد خانى قاجار لەگەڵ هۆزەکانى کەڵهور و خەواجەوند و مافی لە دیوى کرماشانەوە گوازراونەتە سنوورى تاران و مازەندەران . لە رۆژگارى حوکمڕانى کەریمخانى زەند لە شیراز ئەبدالخانى عبدولمالکى سەردارى ئەم هۆزە بووە. ئاخاوتنیان بە شێوەزارى هەورامى گۆرانە.

سەرچاوە

١. پژوهش نامه ايل عبدالملكي (عبدالمالکی) (http://ileabdolmaleki.blogfa.com/)

٢. ویکى فارسى (عبدالمالکى)

٣. منتخب التواریخ معینی (نطنزی، معین الدین (۱۳۸۱). منتخب التواریخ. تهران: انجمن آثار و مفاخر فرهنگی)