بەڕێوبەری تەکنەلۆژیا

بەڕێوبەری تەکنەلۆژیا (بە ئینگلیزی: chief technical officer (CTO)) پلەیەکی باڵایە لە بەڕێوەبردنی دەزگا یان کۆمپانیا، کە کارەکەی تیشک خستنە سەر بەکارهێنان و چارەسەریی زانست و تەکنەلۆژیایە لە چوارچیوەی دەزگاکە.[١]

بەڕێوبەری تەکنەلۆژیا کارەکەی زۆر نزیکە لە بەڕێوبەری زانیاری (CIO).[٢] بەڕێوبەری تەکنەلۆژیا خاوەن بڕیارە لەسەر بەگەرخستنی ژێرخانی تەکنەلۆژیی بۆ بەدیهێنانی ئامانجەکانی دامەزراوەکە، لە بەرامبەردا بەڕێوبەری زانیاری ئەوا ڕۆژانە کار لەگەڵ ستافی تەکنەلۆژیای زانیاری (ئایتی) دەکات بۆ بەڕێوەبردنی کارووباری ڕۆژانە.[٢] دەبێت بەڕێوبەری تەکنەلۆژیا ئاگاداری دوایین تەکنەلۆژیایە بەردەست و نوێیەکان بێت بۆ بەجێگەیاندنی ئامانجەکانی داهاتووی دامەزراوەکەی.[٣] تایبەتمەندی و ڕۆڵی بەڕێوبەری تەکنەلۆژیا لە دامەزراوەیەک بۆد دامەزراوەیەکی دیکە جیاوازە، بەندە بە هەیکەل و ستراکچەری دامەزراوەکە.[٤]

لە ویلایەتە یەکگرتووەکانی ئەمریکا، تێکڕای ناوەندی مووچەی ساڵانەی بەڕێوبەری تەکنەلۆژیا لە نێوان ١٣٠،٠٠٠ بۆ ١٩٥،٠٠٠ دۆلاری ئەمریکییە بەپێی بواری کۆمپانیاکە.[٢] بە گوێرەی ڕاپۆرتێکی پەیمانگای ئینفۆسێک ئەوا مووچەی ساڵانەی بەڕێوبەری تەکنەلۆژیا لە سێکتەری ئابووری دەگاتە نزیکەی ٢٠٠،٠٠٠ دۆلار لەبەرامبەردا لە سێکتەری بازاڕگەری ئەلیکتۆڕنی ٧٦،٠٠٠ دۆلاری ئەمریکییە.[٢]

سەرچاوەکان دەستکاری

  1. ^ Smith, Roger D. (2003). "The Chief Technology Officer: Strategic Responsibilities and Relationships". Research-Technology Management. 46 (4): 28–36. doi:10.1080/08956308.2003.11671574. S2CID 154123520.
  2. ^ ئ ا ب پ Margaret, Rouse. "What is Chief Technology Officer (CTO)? - Definition from WhatIs.com". SearchCIO (بە ئینگلیزی). Retrieved 2019-11-08.
  3. ^ D'Angelo, Matt (November 1, 2018). "What is a CTO?". www.businessnewsdaily.com. Retrieved 2019-11-14.
  4. ^ "What Is a Chief Technology Officer?". Business Research Guide (بە ئینگلیزی). Retrieved 2019-11-08.