بەشی کوردیی دەنگی ئەمریکا

بەشی کوردیی دەنگی ئەمەریکا لە ٢٥ی نیسانی ساڵی ١٩٩٢دا دامەزراوە لە پاش شەڕی یەکەمی کەنداو و بە ھەوڵێکی زۆری چەند کەسانێک. لە سەرەتادا بەشی کوردی ٥ کارمەندی ھەبوو و لە ٢٥ی نیسانی ساڵی ١٩٩٢ تاکو کۆتایی مانگی حوزەیرانی ساڵی ١٩٩٢ بەرنامەکانی بەشی کوردی تەنھا ١٥ خولەک بوو. پاش ئەوە بوون بە ٣٠ خولەک و ژمارەی کارمەندەکانیش بوون بە ٩ کەس. پاش مانگی ١١ی ١٩٩٢ ماوەی بەرنامەکان بوون بە یەک کاتژمێر و ژمارەی کارمەندانیش بوون بە ١١ کەس.بەرنامەکان لە مانگی ١١ی ١٩٩٢ تاکو مانگی ١ی ٢٠٠٣ ھەر بە یەک کاتژمێر مایەوە. لە دواییدا ماوەی بەرنامەکان بۆ چوار کاتژمێر درێژکرایەوە و ژمارەی کارمەندانیش بوون بە ٢٠-٢٢ کەس. لە مانگی ٤ی ٢٠٠٧دا ژمارەی کارمەندان بوون بە ٢٧ کەس. و لە ساڵی ٢٠١٠دا بووەتەوە بە ٢٢ کەس.