سوڵحی حودەیبییە یان پەیماننامەی حودەیبییە (بە عەرەبی: صُلح الحُدیبیة) پەیماننامەیەک بوو لە سەردەمی پێغەمبەری ئیسلام، محەممەددا ئەنجام درا. سوڵحێکی سەرەکیی بوو لەنێوان محەممەد و ھۆزی قوڕەیشی مەککە لە کانوونی دووەمی ٦٢٨ (کە ھاوتایە لەگەڵ زولقەعدە، ٦ی کۆچی)[١][٢] یارمەتیدەر بوو بۆ کەمکردنەوەی گرژییەکانی نێوان ئەو دوو شارە، ھەردوو لا بڕیاریان دا بۆ ماوەی ١٠ ساڵ ئاگربەست بکەن، لە ئەنجامی هێرشی بەنی بەكر بن عەبد مەنات لە کینانه بۆ بەنی خوزاعە ئاگربەستەكە هەڵوەشایەوە. بەڵێن بە محەممەد و شوێنکەوتووانی درا ساڵی داھاتوو بە ئاشتیانە بگەڕێنەوە بۆ سەردانی مەککە، کە دواتر بە سەردانی یەکەم ناسرا.