پەلاماری خێڵی حەمە

(لە شەڕی خێڵی حەمەەوە ڕەوانە کراوە)

پەلاماری خێڵی حەمە، بریتیبوو لە ھێرشێکی گرووپی ئەنسارولئیسلام بۆ سەر گوندی خێڵی حەمە لە ٢٣ی ئەیلوولی ساڵی ٢٠٠١ کە دەکاتە ١٢ ڕۆژ پاش ھێرشەکانی ١١ی ئەیلوول.

پەلاماری خێڵی حەمە
بەشێک لە شەڕی تیرۆر
ململانێی ئیسلامیی کوردستان
ڕۆژ٢٣ی ئەیلوولی ٢٠٠١ (۲۰ ساڵ لەمەوبەر)
شوێن
زیانە گیانییەکان
٤٢ پێشمەرگە
١٥ چەکداری ئەنسارولئیسلام

لەو کارەساتەدا چەکدارانی ئەنسارولئیسلام ھێرشێکی لەناکاویان کردە سەر گوندەکە کە ئەوکاتە لەژێر دەسەڵاتی ھێزی یەکێتیی نیشتمانیی کوردستاندا بوو و ٤٢ پێشمەرگە کوژرا و تەرمی ھەندێکیان شێواندن ئەویش بە سەربڕین و دەرھێنانی چاو و بڕینی قوڕگ، زمان، لووت و گوێچکەیان.

ڕووداوەکەدەستکاری

ڕووداوەکە لە کاتژمێر سێی پاش نیوەڕ ڕوویدا. چەکدارانی ئەنسارولئیسلام لە سێ لاوە ھێرشیان کردە سەر ئەو ھێزانەی یەکێتیی نیشتمانیی کوردستان کە لەو گوندە جێگیرکرابوون. لەبەرئەوەی پێشمەرگەکانی یەکێتی پێشبینیی ھێڕشێکی لەناکاوی ئەنسارولئیسلامیان نەکردبوو چەکدارانی ئەنسار گورزێکی کوشندەیان وەشاند. لەپاش ٣ کاتژمێر شەڕ، ١٥ چەکداری ئەنسارولئیسلام کوژران و لە ٤٢ پێشمەرگەی یەکێتیش پاش کوژرانی ھەندێکیان، ئەوانی تر بەدیل گیران و بەشێوەیەکی نامرۆییانە بە چەقۆ و تەوراس و گوللە شەھیدکران و دواتر دەستگیرا بەسەر گوندەکەدا.

لەدوای ٢٤ کاتژمێر مانەوەی ئەنسارولئیسلام لە خێڵی حەمە و زیندانبوونی دانیشتووانی گوندەکە لە ماڵەکانی خۆیاندا، یەکێتیی نیشتمانیی کوردستان ھێرشی کردە سەر گوندی خێڵی حەمە و چەکدارەکانی ئەنسارولئیسلام ھەڵھاتن.

ئاماژە دان بە چەند ڕەخنەیەکدەستکاری

ھەرچەندە سەرچاوەی کوردستانی نوێ ڕۆژنامەیەکی بێ لایەن نییە و نەبووە. بەڵام لە ڕووداوی خێڵی حەمە دا ھەندێک ناڕوونی ھەیە لە بارەی شێواندنی لاشەکان لە دوای بڵاو بوونەوەی گرتە ڤیدیۆیی یەکێک لە فەرماندەکان کە دان بەوە دا دەنێت کە لەلایەن ھێزەکانی خۆیانەوە لاشەکان شێوێنراون. لە ساڵێ ٢٠١٣ ئەو فەرماندەیە ڕەتی کردەوە کە بەرپرسیارێتی ئەو ڤیدیۆیە ھەڵبگرێت کە تێیدا ئاماژە بەوە دەکات کە ھێزەکانی جندالاسلام دەستکاری لاشەکەیان کردووە و ڤیدیۆ کەی بە دەستکاری کراو لەقەڵەمدا و ڕایگەیان کە ھێزەکانی پێشمەرگەی (ی. ن، ک) دوورن لەو کارانە. بەڵام بەھۆی کۆنی ڤیدیۆکە کە بە فۆرماتی ڤی ئێچ ئێس دەست کەوتبوو و فەرماندەی ناوبراو لەتەمەنێکی گەنجی دا دەردەکەوێت، دەستکاری کردنی فایلەکە ئەستەمە. لە ئێستادا ڕەخنە ھەیە لە گێڕانەوەی چۆنێتی ڕووداوەکە و زیاد لە چیرۆکێک ھەیە.

سەرچاوەکاندەستکاری

  1. خێڵی حەمە، لووتکەی دڕندەیی تیرۆریستان، کوردستانی نوێ.