سەیید ئەحمەد مەزڵووم
سەييد ئەحمەد مەزڵووم : (١٩١٦ - ١٩٥٥) دەستی شیعر نووسینی ھەبووە و لێی بڵاوکردووەتەوە ، دیوانی شیعرەکانی لەچاپ دراوە .
سەرەتای ژیان و خوێندنی
دەستکاری
سەیید ئەحمەد کوڕی سەیید محەمەدی بەنا و لە شێخانی بەرزنجەیە، ساڵی ١٩١٦ لە بەرزنجە لەدایک بووە. ساوایەکی حەوت ڕۆژە بووە کە دایکی مردووە و نەنکی بەخێوی کردووە. شەش ساڵان بووە کە چووەتە قوتابخانە. دوای چەند ساڵێک دەستی لێ ھەڵگرتووە و چووەتە حوجرەی بەرزنجە، لای حاجی شێخ ئەحمەد خوێندوویە. پاشان ڕووی کردووەتە سلێمانی و لە مزگەوتی (ھەمزاغا) لای مەلا محەمەد مستەفا کوردی و لە مزگەوتی (بنتەبەقی ھەرمنی) لای مەلا ڕەحیمی پەرخی تا زانستی سەرفی خوێندووە و ئیدی وازی لێ ھێناوە.[١][٢]
كوتاڵ فرۆشی
دەستکاریلە چواردە ساڵییەوە لەبەر سەختیی ژیان، دەستی داوەتە کاسبی و کووتاڵ و وردەواڵەفرۆشی و دەستگێڕی لە ناوچەکانی شارەزوور و قەرەداخ و بەرزنجە و دەستمایەیەکی باشی پێکەوە ناوە. ئەمجا دووکانداریی کردووە.[١][٢]
شعر و ئەدەب
دەستکاریدەستی شیعر نووسینی ھەبووە و لێی بڵاوکردووەتەوە ، دیوانی شیعرەکانی لەچاپ دراوە .[١][٢]
كۆچی دوای
دەستکاریڕۆژی ٩/٨/١٩٥٥ بە نەخۆشی لە نەخۆشخانەی سلێمانی کۆتایی بە ژیانی ھاتووە.[١][٢]
سەرچاوەکان
دەستکاری- ^ ئ ا ب پ دیوانی مەزڵوم: سەید ئەحمەدی شێخ محمدی بەنا بەرزنجەیی، ئامادەکردن و پێداچوونەوە و پێشەکی ئومێد کاکەڕەش، چاپخانەی کارۆ - سلێمانی، ٢٠٠٥، ل٧-٨.
- ^ ئ ا ب پ گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ل 8002 ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .