چیاکانی ئەتلەس (بە عەرەبی: جبال الأطلس) زنجیرەی چیایەکن لە باکووری ئەفریقیا لە مەغریب. ئەم زنجیرە چیایە کەنارە ئاوییەکانی دەریای سپی ناوەڕاست لە بیابانی مەزنی ئەفریقیا جیادەکاتەوە، لە نێوان مەغریب و جەزائیر و تونسدا ھەڵکەوتووە، نزیکەی ٢٥٠٠ کم درێژ دەبێتەوە بەرزترین لووتکەی زنجیرەکە لووتکەی تۆوبکالە کە لە ناوەڕاستی مەغریبدایە و بەرزایییەکەی ٤١٦٧ مەترە.[١] چیاکانی ئەتلەس لە بنەڕەتدا شوێنی نیشتەجێی دانیشتووانی بەربەرییەکانن. ھەروەھا ئەم چیایانە ماڵی ژمارەیەک ئاژەڵ و ڕوەکن کە ھەمان ئەو جۆرانەن کە لەناو ئەفریقادا دەدۆزرێنەوە بەڵام بەشێکیان لە ئەورووپا دەدۆزرێنەوە، زۆربەی جۆرەکانی لە مەترسیدان و ژمارەیەکی کەم لە ئێستادا لەناوچوون.[٢]
