فانکشنی توانی

فانکشنی توانی (Exponential function) لە بیرکاریدا فانکشنێکە بە $\exp(x)$ یان $e^{x}$ ھێما دەکرێ. $e$ ژمارەیەکی نەگۆڕە و بە ژمارەی ئۆیلەر دەناسرێت، بەھای نزیکراوەی $e$ یەکسانە بە ۲٫۷۱۸۲۸۱۸۲۸. فانکشنی بنەڕەتی بۆ فانکشنە توانییەکان بریتییە لە $a^{x}$ کاتێک بنچینەی $a$ ژمارەیەکی نەگۆڕ و $x$ گۆڕەکێکی سەربەخۆ بێت، بە کەلکوەرگرتن لە لۆگاریتم ھاوکێشەی خوارەوە پاسادانە

فانکشنی توانی $y=e^{x}$

$\,\!\,a^{x}=(e^{\ln a})^{x}=e^{x\ln a}$

تایبەتمەندییەکان

• فانکشنی توانی پێچەوانەی فانکشنی لۆگاریتمی سروشتییە $y=lnx$.
• بوارەکەی بریتییە لە کۆمەڵەی ژمارە ڕاستەقینەکان.
• مەودای ئەم فانکشنە بریتییە لە کۆمەڵەی ژمارە ڕاستەقینە ئەرێنییەکان.

وێنەی ڕوونکردنەوەی فانکشنی توانی بە دوو شێوەیە:

1. ئەگەر $a$ چووکەتر بێت لە یەک، ئەوا بە زیادکردنی $x$ بەھای $y$ کەم دەکات.
2. ئەگەر $a$ گەورەتر بێت لە یەک، ئەوا بە زیادکردنی $x$ بەھای $y$ زیاد دەکات.

سەرچاوەکان

• بەشداربووانی ویکیپیدیا، «تابع نمایی»، ویکیپیدیای فارسی. سەردان لە ٣ی نیسانی ٢٠١٨.