|
'''نەخۆشخانەی ڕاپەرینی فێركاری بۆ منداڵان''' نەخۆشخانەیەکی حکوومییە لە شاری هەولێر تایبەتە بە منداڵان، لەلایەن بەرێوبەرایەتی تەندروستیی هەولێر سەرپەرشتی دەکرێت.
دەستپێک:
بەرێوبەرایەتی تەندروستی هەولێر چەندەها نەخۆشخانه و بنکەی تەندرووستی لەخۆدا دەگرێتەوە، لە ناوەوە و لە دەرەوەی شاری هەولێر.
چەندەها سەنتەری سەرەتایی و فێرکاری وە هەروەها چەندەها سەنتەری فریاکەوتنی تیادایە. سەنتەرە سەرەتایەکان یاخود (بنکەکان) نەخۆشە ساردەکان یاخود نەخۆشە بارجێگیرەکان چارەسەر دەکات، گەرهاتوو بە هەر شێوازێک توانای دابینکردنی چارەسەری پێویست بۆ نەخۆش نەبوو ئەوە نەخۆش دەنێردێت بۆ نەخۆشخانەی فریاکەوتن بۆ پشکنینی ورد و زیاتر وە هەروەها وەرگرتنی چارەسەری پێویست.
نەخۆشخانە گشتیەکان و نەخۆشخانەی فریاکەوتنەکان لە ناو شاری هەولێر ئەمانەی خوارەوە لەخۆ دەگرێتەوە:
- نەخۆشخانەی رزگاری فێرکاری.
- نەخۆشخانەی فریاکەوتنی رۆژهەڵات.
- نەخۆشخانەی فریاکەوتنی رۆژئاوا.
- نەخۆشخانەی ڕاپەرینی فێرکاری.
- نەخۆشخانەی هەولێری فێرکاری یاخود نەخۆشخانەی فێرکاری ناوەند (جمهوری).
- نەخۆشخانەی ئیمێرجنسی.
- نەخۆشخانەی لەدایکبوون یاخود نەخۆشخانەی فێرکاری ئافرەتان.
- نەخۆشخانەی نانەکەلی.
وە چەندەها نەخۆشخانەی تر هەن لە ناو شاری هەولێر وەک نەخۆشخانەی پسپۆری نەشتەرگەری/سەنتەری دڵ کە بۆ چارەسەری نەخۆشیە ئەستەمەکانی دل دامەزراوە، وەهەروەها نەشتەرگەری دڵی تیادا ئەنجامدەدرێت.
بێجگە لە نەخۆشخانە چەندەها بنکەی تەندروستی بەردەست دەکەوێت وەک:
- بنکەی تەندروستی نازدار بامەڕنێ.
- بنکەی تەندروستی برایەتی.
- بنکەی تەندروستی محمد باجەلان.
- بنکەی تەندروستی شادی.
نەخۆشخانەی ڕاپەرینی فێرکاری:
نەخۆشخانەی ڕاپەرینی فێرکاری کە تایبەتە بە منداڵان، بەشی هەناو و نەشتەرگەری. کە دەکەوێتە سەر شەقامی پیرمام لە پشت دامەزراوەی کۆنتڕۆڵی جۆری دەرمان، کە بۆ ماوەی (24) کاتژمێر کراوەیە، لە ساڵی (2003)دا وەک نەخۆشخانەی منداڵان دامەزرا. پێش ئەوەی کە ببێت بە نەخۆشخانەی منداڵان نەخۆشخانەی سەربازی بوو.
نەخۆشخانەی ڕاپەرین پێکدێت لە دوو یەکە، یەکەی ڕاوێژکاری کە لە ساڵی (2020)دا کرایەوە پێکهاتووە لە بەشی ڕاوێژکاری نەخۆشیەکانی هەناو وە بەشی ڕاوێژکاری نەشتەرگەری منداڵان. ڵەگەڵ ئەمەش تاقیگه و دەرمانخانە وەهەروەها ژوورێکی بچووکی فریاکەوتنی تیادا هەیە.
بەشی ڕاوێژکاری تەنها بەرپرسە لە وەرگرتنی نەخۆشە ساردەکان وە چارەسەرکردنیان بە شێوازی ناردنەوە بۆ ماڵەوە لە ژێر چاودێری بەخێوکار یاخود خەواندنیان لە نەخۆشخانەی ڕاپەرین، کە (24) کاتژمێر کراوەیە لە هەموو ڕۆژەکانی هەفتە.
نەخۆشخانەی راپەرین بەشی خەواندن:
کە ئەم بەشەش پێکدێت لە چەند یەکەیەکی تر ئەوانیش:
- یەکەی ئیمێرجنسی یاخود یەکەی فریاکەوتن:
ئەم بەشە بەرپرسە لەوەرگرتنی نەخۆشیە کت و پڕەکان و بارناجێگیرەکان وەک: (گەشکە، وشکبوونەوە، هەوکردنی سیەکان، بەرهەنگ، خواردنی کەرستەی نەشیاو بۆ خواردن، رشانەوە و زگچوون وە هەروەها ئیفلیجی مێشک...هتد)
یەکەی فریاکەوتن (8) هەشت ژووری تیادایە، هەر ژوورێکیش پێکدێت لە (16) شازدە قەرەوێڵە کە توانای وەرگرتنی (128) سەدو بیست و هەشت نەخۆشی هەیە لەگەڵ ئەمەش (2) دوو قەرەوێڵەی چاودێری چڕی تیادایە، کە بۆ نەخۆشی ئیمێرجنسی یاخود بار ناجێگیر کە پێویستی بە چاو دێری چڕ هەیە بە بەردەوامی یاخود هەموو کاتژمێرێک دابینکراوە.
لەگەڵ ئەمەش لە ساڵی (2020) دوو بەشیتریش کرایەوە بە ناوی:
(ICU AND SUB ICU):
- intensive care unit) ICU) واتا چاودێری چر، سێ قەرەوێڵەی تیادایە، کە نەخۆشی تووشبوو بە هەوکردنی سیەکان لەوێدا چاودێری دەکرێن، وە هەروەها پێویستیان بە ئامێرەکی تایبەت دەبی بە ناوی
(Continues Positive Airway Pressure) (CPAP) (سیپاپ) بۆ ئەم مەبەستەش لە بەشی (ICU) چاودێری چڕ دەخەوێنرێن.
- (SUB-intensive care unit) (SUB ICU) بۆ ئەم کەسانە دابینکراوە کە پێویستیان بە چاودێری کەمتر هەیە بە بەراورد لەگەڵ ئەو نەخۆشانەی کە لە بەشی (ICU) وەردەگیرێن بەڵام پێویستیان به چاودێریەکی نزیک هەیە بۆ ماوەی (24) بیست و چوار کاتژمێر.
یەکەی نەخۆشیەکانی هەناو:
یەکەی نەخۆشیەکانی هەناو (Medical Ward)، ئەم بەشە بەرپرسە لە وەرگرتنی نەخۆشەکان لە بەشی ئیمێرجنسی یاخود بەشی فریاکەوتنن، پاش ئەوەی کە نەخۆشەکان باریان جێگیر بوو و پێویستیان بە چاودێری بۆ ماوەی (24) کاتژمێری نامینێ، لەگەڵ ئەمەش هەر پێویستیان بە خەواندن لە نەخۆشخانە هەیە وە هەروەها دەبێت لە نەخۆشخانە بمێننەوە بۆ وەرگرتنی چارەسەر بە بەردەوامی.
ئەم یەکەیە پێکهاتووە لە دوو قاوشی پزیشکی وە هەروەها (8) هەشت ژوور.
هەر قاوشە پزیشکیەک توانای وەرگرتنی (40) چل نەخۆشی هەیە کە تیایدا دەستەیەک لە پزیشکی نیشتەجێی خولاو چەند کاتژمێر جارێک به ناویان دەخولێنەوە بە مەبەستی بەدوا چوونەوەی باری تەندروستی نەخۆش.
یەکەی نەشتەرگەری منداڵان:
یەکەی نەشتەرگەری منداڵان پێک هاتووە لە سێ ژووری نەشتەرگەری وە هەروەها چوار ژووری ئامادەکردنی نەخۆش پێش نەشتەرگەری وە هەمان چوار ژوور بۆ نەخۆش لە دوای تەواو بوون لە نەشتەرگەری تیادا دابین کراوە.
یەکەی نەشتەرگەری منداڵان وەک یەکەی نەخۆشیەکانی هەناو توانای وەرگرتنی (40) چل نەخۆشی هەیە، نەخۆشیەکان سارد بن یاخود کەیسی ئیمرجنسی بار ناجێگیر بن.
وەک: فتق، سوورانی هێلکەدان، سوورانی گوون، کیسی ئاو، نەخۆشیەکانی گەدە..... هتد
هەروەها چەندین ژووریتریشی تیادا بەردەستدەکەوێ بۆ مەبەستی جیاواز وەک (3) سێ ژوور کە تەرخانکراوە بە ناوی ژووری جیاکردنەوە بۆ نەخۆشیە گواستراوەکان .
وە هەروەها ژووری "سەنتەری نەخۆشیە دەگمەنەکان".
نەخۆشخانەی ڕاپەرین نەخۆشخانەکی فێرکاریە کە چەندەها هۆڵی وانە وتنەوەی تیادایە که ساڵانە چەندەها قوتابی پزیشکی بە مەبەستی فێربوون لەوێ دەخوێنن و ئەم هۆڵانە لە لایەن پزیشکە پسپۆرەکانیش بەکاردێت بۆ مەبەستی کۆبوونەوەی زانستی وە هەروەها ئاڵوگۆر کردنی بیروڕا دەربارەی نەخۆشیە ئەستەمەکان.
یەکەی چاودێری چڕی منداڵە ناکامەکان:
یەکەی چاودێری چڕی منداڵه ناکامەکان بەرپرسە لە وەرگرتنی منداڵی بچووکتر لە مانگێک. ئەم یەکەیە پێکهاتووە لە دوو بەشەوە.
- ژووری چارەسەر بە رووناکی (فۆتۆثێرەپی رووم) :
ژووری چەرەسەرکردن بە رووناکی منداڵی ساوای تووشبوو بە زەردوو وەردوگرێت، کە (20) قەرەوێڵەی شووشەی تایبەت بە منداڵی ساوای تیادایە لەگەڵ ئامێری چارەسەر بە رووناکی
- ڕەدهەی منداڵی تازە لەدایک بووەکان:
ئەم بەشە بەرپرسە لە وەرگرتنی منداڵی تازە لە دایکبووی تووشبوو بە جۆرەها نەخۆشی تر جگه لە نەخۆشی زەردوو وەک: (تەنگه نەفەسی، ڕشانەوە، وشکبوونەوە... هتد).
(30) قەرەوێڵەی شووشەی تایبەت بە منداڵ بە دەزگای ۆکسیجن دابینکراوە، وە چاودێری کردنی باری تەندروستی منداڵەکان بۆ ماوەی (24) بیست و چوار کاتژمێر.
== سەرچاوەکان ==
نووسراو بە یارمەتی:
پزیشکی نیشتەجێی خولاو لە نەخۆشخانەی راپەرین
د. ئەنداز نەجات
| 