جەلیل گادانی: جیاوازیی نێوان پێداچوونەوەکان

جەلیل گادانی لە دایکبووی ساڵی ١٩٣٤ لە شاری مەهاباد لە [[ڕۆژھەڵاتی کوردستان|رۆژهەڵاتی کوردستانە]]. خوێندنی سەرەتایی و ناوەندیی و دوا ناوەندی هەر لەو شارە درێژە پێ داوە. ناوبراو ساڵی ١٩٤٨ بە هۆی ئەحمەد تۆفیقەوە بووە بە ئەندامی حیزبی دێموکراتی کوردستان. دواتر لە لایەن حکوومەتی ئەو کاتی ئێرانەوە چەند جار زیندانی دەکرێ و سەرجەم بۆ ماوەی ١٣ ساڵ لە زینداندا ماوەتەوە. هەر لە ماوەی زینداندا درێژە بە خوێندنی زانکۆ دەدەا و دەتوانێ بەکالۆریۆس یان لیسانسی زمانی [[زمانی فەڕەنسی|فەڕانسی]] وەدەست بێنێ. ساڵی ١٩٧٩ کە لە ئێران شۆڕش روو دەدا، جەلیل گادانی وەکوو ئەندامی رێبەری [[حیزبی دێموکراتی کوردستان (حدک)|حیزبی دێموکرات]] هەڵدەبژێردرێ. لە ساڵی ١٩٨٨ لە کۆنگرەی ٨ی [[حیزبی دێموکراتی کوردستان (حدک)|حیزبی دێموکرات]] بە هۆی کێشەی ناوخۆیی لەو حیزبە جیا دەبێتەوە و لە ژێر ناوی حیزبی دێموکراتی کوردستانی ئێران ـ رێبەرایەتیی شۆڕشگێر وەکوو سکرتێری ئەو حیزبە هەڵدەبژێردرێ و بۆ ماوەی ٨ ساڵ کەسی یەکەمی ئەو حیزبە دەبێ و لە ساڵی ١٩٩٦ دووبارە لەگەڵ حیزبی دێموکراتی کوردستانی ئێران یەک دەگرنەوە. لە ساڵی ٢٠٠٦ چەند مانگێکماوەیەک دوای کۆنگرەی ١٣ دووبارە حیزبی دێموکراتی کوردستانی ئێران تووشی لێکترازان دەبێ و جەلیل گادانی لەگەڵ [[حیزبی دێموکراتی کوردستان (حدک)|حیزبی دێموکراتی کوردستان]] دەکەوێ و وەکوو راوێژکاری کۆمیتەی ناوەندی و بەرپرسی کۆمیسیۆنی چاودێری دیاری دەکرێ<ref>کەناڵی ئاسمانی گەلی کوردستان https://www.gksat.tv/details.aspx?jimare=103145</ref>.

ساڵی ٢٠٠٦ و چەند مانگێکماوەیەک دوای کۆنگرەی ١٣ی حیزبی دێموکرات کە تێیدا [[مستەفا ھیجری|مستەفا هیجری]] وەکوو سکرتێری ئەو حیزبە هەڵبژێردرا، کێشە و ناکۆکی ناوخۆیی سەریان هەڵدایەوە، بەڵام نەک لە نێوان دوو رەوتی پێشوو، بەڵکوو لە نێوان لایەنێک بە سەرۆکایەتی مستەفا هیجری و لایەنێک بە سەرۆکایەتی [[عەبدوڵڵا حەسەنزادە|عەبدوڵڵا حەسەن زادە]] سکرتێری پێشوو. ناکۆکی ئەمجارە لە سەر پەڕاوێز خران و دەرکرانی بەشێک لە ئەندامانی حیزبی دێموکرات بوو کە دواتر خۆیان لە باڵی [[عەبدوڵڵا حەسەنزادە|عەبدوڵا حەسەن زادە]] دا بینیەوە. بە گوتەی ئەو لایەنە، باڵی [[مستەفا ھیجری|مستەفا هجری]] لە هەوڵی تەسفیە کردنی تەواوی حیزبەکە بووە لە ناڕازییەکان و رەخنە گرانی ئەو حیزبە. هەر بۆیە ساڵی ٢٠٠٦، باڵی [[عەبدوڵڵا حەسەنزادە|عەبدوڵڵا حەسەن زادە]] خۆیان وەکوو [[حیزبی دێموکراتی کوردستان (حدک)|حیزبی دێموکراتی کوردستان]] (بێ ناوی ئێران) راگەیاند و ریزەکانی خۆیان لە [[حیزبی دێموکراتی کوردستانی ئێران]] جیا کردەوە<ref>زاگرۆس پۆست، https://zagrospost.com/16015</ref>. جەلیل گادانی خۆی ریزی خۆی و کەسانی نزیک لە خۆی خستە ریزی [[حیزبی دێموکراتی کوردستان (حدک)|حیزبی دێموکراتی کوردستان]] بە سەرۆکایەتی [[عەبدوڵڵا حەسەنزادە|عەبدوڵڵا حەسەن زادە]]. لە کۆنگرەی ١٤ و یەکەم کۆنگرەی دوای لەت بوون، حەسەن زادە خۆی بۆ هیچ پلەیەکی حیزبی کاندید نەکرد و [[خالید عەزیزی]] وەکوو سکرتێر هەڵبژێردرا و جەلیل گادانی بوو بە راوێژکاری کۆمیتەی ناوەندی و بەرپرسی کۆمیتەی چاودێری بەرنامە و ئەساسنامە. لەو کاتەوە زنجیرەیەک وتوێژ لە ئارا دابووە کە هەر دوو حیزبەکە تێکەڵ بنەوە<ref name=":0" />.