حیزبی کۆمەڵەی کوردستانی ئێران: جیاوازیی نێوان پێداچوونەوەکان

کۆمەڵە یەکەم حیزب لە چوار پارچەی کوردستانە کە ژنی بە شێوەی ڕەسمی هێنا نێو بازنەی چالاکی پێشمەرگانە و یەکەم دەستەی پێشمەرگەی ژنی لە ۱۰ی خەزەڵوەری ۱۳۶۱ چەکدار کردەوە.

کۆمەڵە لە هاوینی ساڵی ۱۳۶۲ لەگەڵ چەند ڕێکخراوەی چەپیتر حیزبی کۆمۆنیستی ئێرانی دامەزراند و خۆی بوو بە ڕێکخراوی کوردستانی حیزبی کۆمۆنیستی ئێران، بەڵام بە هۆی ناکارامە بوونی حکا و ئەوەی کە بوو بە بەربەستێک بۆ چالاکی کۆمەڵە لە هاوینی ساڵی ۱۳۷۹ لە ئەنجامی پرۆژەی ساغکردنەوەی کۆمەڵە لە حیزبی کۆمۆنیستی ئێران هاتە دەرەوە و بە ناوە پێشوەکەیەوە واتا کۆمەڵەی شۆڕشگێڕی زەحمەتکێشانی کوردستانی ئێران درێژەی بە خەباتی خۆی داوە.

کۆمەڵە تا ئێستا ۱۵ کۆنگرەی بەستووە و ئامانجی سەرەکیی چارەسەری مافی نەتەوایەتی و دادپەروەری کۆمەڵایەتی لە کوردستانی ڕۆژهەڵاتە و خوازیاری ئێرانێکی دێموکراتیک، فێدرال، پولۆرال و سێکۆلارە.