سەید کامیل ئیمامی: جیاوازیی نێوان پێداچوونەوەکان

{{شیعر}}

{{ب|من دەڵێم: شاری دڵم باغ و گوڵستانە کەچی
|ئەقل دەڵێ: نا، قەسەبەی شۆڕشی مەستانە نەچی}}

{{ب|من دەڵێم: نوختەیی ئەو ڕەوزەنی ئیمانە دەچم
| ئەو دەڵێ: نا، ڕەشە، جێ ڕاوگەیی شەیتانە نەچی}}

{{ب|من دەڵێم: مەسکەن و ئارامگەیی جانانە دەچم
|ئەو دەڵێ: سەربەسەری تێک چووە، وێرانە نەچی}}

{{ب|من دەڵێم: جێگەیی ھەر شێت و جنوونانە دەچم
| ئەو دەڵێ: نا، زەدەیی پەنجەیی پەریانە نەچی}}

{{ب|من دەڵێم: مەرکەزی ئەسراری حەریفانە دەچم
|ئەو دەڵێ: جێ تەمەعی چاوی حەسوودانە نەچی}}

{{ب|من دەڵێم: وەختی خەتەر مەئمەن و قەڵغانە دەچم
|ئەو دەڵێ: کون کونە جێگەی سەرە پەیکانە نەچی}}

{{ب|لەو ھەموو چوون و نەچوونە سەری سووڕ ما «کامیل»
| من دەڵێم: جوانە بچم ئەو دەڵی وا جوانە نەچی
}}