سستیی گورچیلە: جیاوازیی نێوان پێداچوونەوەکان

سستی گورچیله‌ یان له‌ کار که‌وتنی گورچیله‌ ( به‌ ئینگلیزی : kidney failure) حاڵه‌تێکه‌ که‌ گورچیله‌ ناتوانێت کردای پاڵاوتن و فرمانه‌ ئاساییه‌کانی خۆی به‌ جێ بهێنێت . دوو جۆری سه‌ره‌کی هه‌یه‌ ئه‌وانیش : کتوپڕ (تیژ) زیان پێگه‌یشتنی گورچیله‌( ئه‌کیووت ڕێناڵ ئینجری) که‌ زۆر جار چاک ئه‌بێته‌وه‌ ئه‌گه‌ر چاره‌سه‌ری باش به‌ کاربهێنرێ و نه‌خۆشی گورچیله‌ی درێژخایه‌ن (کڕۆنیک ڕێنال دیسیز) که‌ زۆر جار چاک نابێته‌وه‌ . هه‌ر دوو حاڵه‌ته‌که‌ش چه‌ند هۆکاریكیان هه‌یه‌ .

سستی گوڕچیله‌ به‌ زۆری دیاری ده‌کرێت به‌ که‌مبوونه‌وی ڕێژه‌ی پاڵاوتنی گورچیلۆکه‌ ( glomerular filtration rate) ، ئه‌ویش ئه‌و ڕیژه‌یه‌یه‌ که‌ خوێن ئه‌پاڵێورێ له‌ گڵۆڵه‌ له‌ (توره‌که‌ی بۆمان) ک پێکه‌وه‌ به‌ ( گۆی ماڵپێچی) ده‌ناسرێن ، که‌ یه‌که‌ی پاڵاوتنی خوێنن له‌ گورچیله‌ ،که‌ ئه‌وه‌ش دیاری ده‌کرێت به‌ که‌مبوونه‌وه‌ یان نه‌مانی به‌رهه‌م هێنانی میز ،یان به‌ تێبینی کردنی پاشماوه‌ زیان به‌خشه‌کانی وه‌کو ( کریاتینین، یۆریا ) له‌ خوێندا .به‌ پێی هۆکاره‌که‌ی هه‌ندێ جار ده‌بێته‌ هۆی تێبینی کردنی خوێن له‌ میزدا( هیماتۆیوریا) یان پرۆیتینی زیاد له‌ میزدا( پرۆتینۆیوریا) .

نه‌خۆشی گورچیله‌ی درێژخایه‌ن دیاری ده‌کرێت به‌ نزیکی به‌ پێوانی ڕێژه‌ی پاڵاوتنی گورچیلۆکه‌ که‌ ئه‌ویش بۆ 5 قۆناغ پۆلێن ده‌کرێت.

ڕێژه‌ی پاڵاوتنی گورچیلۆکه‌ش جیاوازه‌ به‌ پێی ته‌مه‌ن ، ڕه‌گه‌ز ، قه‌باره‌ی له‌ش .