یۆھان سباستیان باخ: جیاوازیی نێوان پێداچوونەوەکان

لەساڵى 1703 ــدا بۆماوەیەکى کورت کارى کردووە وەک کەمانچە ژەن لە ئۆرکستراى دوف فایمر و پاش چەند مانگێکى کەم بووە ئۆرگان ژەنى کەنیسەى ئارنتات , لەوکاتەدا هەستا بە نووسینى یەکەم ئاوازە ئاینییەکانى . لەساڵى 1707 ــدا کۆچى کرد بۆ شارى مولهاوزن وەک ئۆرگان ژەنێک لە کەنیسەکەیدا پاش گەڕانەوەى بۆ فایمار یەکەم کارەکانى خۆى لێرەدا بە ئەنجام گەیاند وەک (تۆکاتا / toccatas ) یان ( fugues و Chorale Preludes ) . پاشان لەساڵى 1716 ئۆرکستراى فایمار ــى بەجێ هێشت و بووە سەرۆکى ئۆرکستراى (حجرة) لەلاى میر لیوبۆلد لەشارى ئەفهالت - کوتن , لەکاتێکدا میر لیوبولد خۆشى یەکێک بوو لەو کەسانەى کە لە ئۆرکستراکەدا ئامێریان دەژەن بەسەرۆکایەتى یوهان سباستییان باخ . لەساڵى 1723 ز بەتەواوى لەشارى لايبزيغلایبزیغ دامەزرا بۆماوەى چارەکە سەدەیەک ( 25 ساڵ) , چەندین گەشتى هوونەرى ئەنجام دا لەنێو شارەکانى ئەڵمانیا کە لەوماوەیەدا بەناوبانگترین ئاوازدانەران و گەورە مۆسیقارەکانى ناسیووە . لە کۆتاییەکانى ژیانى , باخ ووردەووردە هەستى بینینى بەرەو کز بوون دەڕۆیشت تا واى لێهات پێش مردنى تاڕادەیەکى زۆر نابینا بوو . باخ کۆچى دووایی دەکات و لە کەنیسەى بەرزنرخێنراو (یوحنا) دەنێژرێت پاشان لەساڵى 1894 وەک ڕێزلێنانێک لێی گوێزرایەوە بۆ کەنیسەى سان تۆماس .