ئێلڤس پێریسلی
ئێلڤیس ئارۆن پریسلی (بە ئینگلیزی: Elvis Aaron Presley، ١٩٣٥ – ١٩٧٧) گۆرانیبێژ و ئەکتەری ئەمریکایی، یەکێک لە سەرکەوتووترین گۆرانیبێژانی ناسراوی سەدەی ٢٠ی ئەمریکا بووە.[١]
ئێلڤیس ئارۆن پریسلی | |
|---|---|
 | |
| لەدایکبوون | ٨ی کانوونی دووەم ١٩٣٥ |
| مەرگ | ١٦ی ئاب ١٩٧٧ |
| نەتەوە | ئەمریکا |
| پیشە | ئەکتەر، گۆرانیبێژ |
| وێبگە | http://elvis.com/ |
| واژوو | |
 | |
ژیان
دەستکاریئێلڤیس پریسلی (ماوەی ژیان:٨ی کانوونی دووەمی ١٩٣٥ تاکوو ١٦ی ئابی ١٩٧٧) یەکێکە لە ئەستێرە درەوشاوەکانی ئاسمانی مۆسیقا و توانیوێتی خۆی لەمێژووی مۆسیقای جیھانی تۆماربکات، لە ٨ی کانوونی دووەمی ساڵی ١٩٣٥ لە ویلایەتەیەکگرتوەکانی ئەمریکا لەدایک بووە، ساڵی ١٩٥٣ بڕوانامەی مامناوەندی وەرگرتووە، ھەر لەمنداڵیەوە شەیدای مۆسیقا بووە و زۆر خۆشی ویستووە و بەشداری لەژمارەیەک پێشبڕکێی مۆسیقا کردووە و لەساڵی ١٩٤٦ بۆ یەکەم جار گیتارێکی وەکو خەڵات وەرگرتووە.
ئێلڤیس پریسلی بەتیپێکی مۆسیقای بچوک دەستی بە مۆسیقا کردووە و لەباڕەکانا ئاھەنگیان گێڕاوە، دواتر دەرھێنەرێک شەیدای دەنگی بووە و دوو گۆرانی بۆ تۆمارکردووە و سەرکەوتنێکی گەورەی بەدەستھێناوە و شیاوازە نایابەکەی لەگۆرانی ووتندا دەنگی داوەتەوە و ناوبانگی دەرکردووە، ناوی وەکو ئەستێرەیەکی پڕشنگدار و گۆرانیبێژێکی بەناوبانکی مۆسیقای ڕۆک ئەندڕۆڵ بڵاوبۆتەوە و وەکو ئەکتەریش سەرکەوتوبووە و نزیکەی لە ٣٠ فیلمدا بەشداری کردووە و لەساڵی ١٩٥٦ بۆ یەکەم جار وەکو ئەکتەر لە فیلمی زیاتر خۆشمت بوێ بەشداری کردووە و لە بەناوبانگترین فیلمەکانی ھەر بژی لاس فیجاس و تا ئێستاش ھونەرەکەی بە زیندوێتی ماوەتەوە.
ئێلڤیس پریسلی بەدرێژایی ژیانی ھونەری بەرزترین پێوانەیی ھەبووە لە فڕۆشتنی ئەلبومەکانی کە زیاتر لە ٧٥٠ میلیۆن کۆپی لێفڕۆشراوە و ١٢٠ گۆرانی تاکی ھەبووە و چۆتە نێو لیستی باشترین ٤٠ گۆرانی ئەمریکی بۆ فڕۆشتن و ٢٠ گۆرانی پلەی یەکەمی بەدەستھێناوە، لەنێوان ساڵی ١٩٥٦ بۆ ١٩٦٢ بە ٢٤ گۆرانی توانیوێتی بچێتە نێو لیستی باشترین ٥ گۆرانی و بەم جۆرەش زیاتر لە ٧٥٠ میلیۆن کۆپی لەگۆرانیەکانی فڕۆشراون کە تاکو ئێستا کەس نەیتوانیوە ئەم ژمارە پێوانەییە بشکێنێت. ئێلڤیس پریسلی ھونەرمەند و ئەستێرەی درەوشاوی ئاسمانی مۆسیقا و گۆرانی لە ١٦ی ئابی ساڵی ١٩٧٧ لەتەمەنی ٤٢ ساڵیدا لە ویلایەتەیەکگرتوەکانی ئەمریکا کۆچی دوایی کردووە.
پەراوێز
دەستکاریسەرچاوە
دەستکاری
دەروازەی ژیاننامە
دەروازەی مۆسیقا
دەروازەی فیلم
دەروازەی ویلایەتە یەکگرتووەکانی ئەمریکا
دەروازەی ھۆڵیوود
دەروازەی تەلەڤیزیۆن
دەروازەی فەڕەنسا
| کۆمنزی ویکیمیدیا، میدیای پەیوەندیدار بە ئێلڤس پێریسلی تێدایە. |