کەمال ڕەمزی
کەمال ڕەمزی :(١٩٣٥-١٩٩٨) نووسەر ، چالاكی سیاسی ، ڕێکخراوی کاردۆی دامەزراندووە ، لە نەتەوەی كورد بووە.
سەرەتای ژیان و خوێندنی دەستکاری
کەمال کوڕی محەمەد ڕەمزی کوڕی مەلا مارفی قازیی سلێمانی یە. ١٩٣٥ لە سلێمانی لەدایک بووە، قۆناغەکانی سەرەتایی و ئامادەییی تێدا بڕیوە. ١٩٦٠ کۆلیجی کشتوکاڵی لە زانکۆی بەغدا تەواوکردووە، ھەمان ساڵ بووە بە مامۆستا لە ئامادەییی کشتوکاڵی بەکرەجۆ. لەبەر دڵسۆزی و لێھاتوویی کراوە بە جێگری بەڕێوەبەری ئەو ئامادەیییە.[١][٢]
بەڕێوەبەرایەتیی بەخێوکردنی ئاژەڵ دەستکاری
١٩٧٠ گواستراوەتەوە بۆ بەڕێوەبەرایەتیی بەخێوکردنی ئاژەڵ لە بەکرەجۆ، چوار ساڵی تێدا بەردەوام بووە. نێردراوە بۆ ولایەتە یەکگرتووەکانی ئەمریکا و شەش مانگ خولی لە بواری بەڕێوەبردنی کێڵگەکانی بەخێوکردنی ئاژەڵدا دیوە. ساڵانی ١٩٧٨-١٩٩٧ بەڕێوەبەر بووە لە شارەزوور و سلێمانی لە بەڕێوەبەرایەتیی گشتیی کشتوکاڵی سلێمانی. ١٩٩٧ خانەنشین کراوە.[١][٢]
ژیانی هاوسەرگیریی دەستکاری
١٩٦٤ ھاوسەرگریی لەگەڵ پەخشان نوویی ئامۆزای کردووە، دوو کچ و کوڕێکی لێ ھەیە.[١][٢]
چالاكی سیاسی دەستکاری
١٩٧٤ چووەتە ڕیزی شۆڕشی ئەیلوول.[١][٢]
ڕێکخراوی (کاردۆ) دەستکاری
ساڵی ١٩٩٢ بۆ ژیاندنەوەی کشتوکاڵ و گوندە وێرانەکان، ڕێکخراوی (کاردۆ)ی لەگەڵ کۆمەڵێک شارەزا و ئەندازیاری کشتوکاڵی دامەزراندووە.[١][٢]
كۆچی دوایی دەستکاری
نووسینەكانی دەستکاری
لەبەر ئەوەی لە بنەماڵەیەکی ئەدەبیدا چاوی ھەڵھێناوە، بایەخی خوێندنەوە و ئەدەبیاتی لا پەیدا بووە. نووسینی لە (گەلاوێژ، ھەتاو، ڕۆناھی)شدا بڵاوبووەتەوە.[١][٢]
سەرچاوەكان دەستکاری
سەرچاوەکان دەستکاری
- ^ ئ ا ب پ ت ج چ گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .ل8166
- ^ ئ ا ب پ ت ج چ سەرچاوە: زانیاریی ئامادەکراوی بەڕێز سەروەر کەمال ڕەمزی.