قەیسەر (فیلم)

قەیسەر (بە فارسی: قیصر‎) فیلمێکی فارسییە و بەرھەمی ساڵی ١٩٦٩یە و لە نووسین و دەرھێنانی مەسعوود کیمیاییە و بێھروز وسوقی ئەکتەری سەرەکی فیلمەکەیە، فیلمی قەیسەر بە یەکێک لە کاریگەرترین فیلمەکانی مێژووی سینەمای ئێران دادەنرێت و لە دەستپێکردنی شەپۆلی نوێی سینەمای ئێراندا پشکێکی گەورە بەر قەیسەر دەکەوێت، قەیسەر توانی ڕیکۆردی ئەو کاتەی سینەمای ئێران بشکێنێت و تا ماوەی دوو ساڵیش لە سینەماکاندا بینەری ھەبوو

قەیسەر
دەرھێنەر	مەسعوود کیمیایی
بەرھەمھێنەر	عەباس شەباویز
نووسین	مەسعوود کیمیایی
کاست	بێھرووز ڤۆسووقی ناسر مەلەک موتیعی جەمشید مەشایەخی پووری بەنایی بەھمەن موفید ئێران دەفتەری
مۆسیقا	ئەسفەندیار مونەفەرزادە
وێنەگری سینەمایی	مازیار پرتو
دەستکاری	مازیار پرتو
ڕێکەوتی دەرچوون	١٩٦٩
وڵات	[[ئێران
زمان	فارسی

چیرۆک

فاتی لەلایەن یەکێک لە برایانی ئاب مەنگلەوە دەست درێژی دەکرێتە سەر و دواتر خۆی دەکوژێت بەڵام نامەیەک جێدێڵێت لە دوای خۆی و ڕووداوەکەی تێدا دەنوسێت و دایکی و خاڵی نامەکە دەخوێننەوە، فەرمان کە برا گەورەی فاتییە ئاگادار دەبێت لە ڕووداوەکە و دەیەوێت تۆڵە بکاتەوە بەڵام لەبەرئەوەی سوێندی خواردووە چەقۆ ھەڵنەگرێت بە دەستی بەتاڵ دەچێت بۆ تۆڵە کردنەوە و لە کاتی شەڕکردن لەگەڵ یەکێک لە سێ براکە دوو براکەی تر دەیکوژن، یەکێک لە برایانی ئاب مەنگل ھۆشیاری بە دوو براکەی تری دەدات کە قەیسەری برا بچووکی فەرمان مەترسیدارە و دەبێت وریا بن لێی، قەیسەر (بێھروز وسوقی) کە برا بچووکە لە گەشت دێتەوە لە ڕووداوەکە ئاگادار دەبێت و دەیەوێت تۆڵەی خوشکەکەی و براکەی بکاتەوە و ھەنگاو بە ھەنگاو دەیەوێت برایانی ئاب مەنگل تیا بەرێت