عەلی عیرفان
عەلى عيرفان:(١٨٨٢-١٩٦٨) نووسەر و مامۆستا و چالاكی سیاسی
سەرەتای ژیان و خوێندنی دەستکاری
کوڕی مەلا عەبدوڵڵای عیرفان کوڕی مەلا ڕەسووڵ کوڕی مەلا مەمەندە، ١٨٨٢ لە گەڕەکی (کانێسکان)ی سلێمانی ھاتووەتە دنیاوە. خوێندنی حوجرەی لای بابی و قوتابخانەی ڕوشدییەی عەسکەریی لە سلێمانی تەواوکردووە.[١][٢]
ئەركی لە دەوڵەت دەستکاری
- مامۆستا لە ھەڵەبجە
- کاتب لە دادگای سلێمانی
- کاتب عەدلی دادگای کۆیە. ساڵی ١٩٤٢ خانەنشین بووە.
جەمعییەتی مودافەعەی وەطەن دەستکاری
١٩٢٥ بووە بە ئەندامێکی دامەزرێنی (جەمعییەتی مودافەعەی وەطەن)، کە بۆ پشتیوانیی لکاندنی کوردستانی جنووبی بە عیراقەوە دامەزرێندراوە.[١][٢]
جەمعییەتی زەردەشتی دەستکاری
ئەندامێکی دامەزرێنی (جەمعییەتی زەردەشتی- ١٩٢٦) و دواتر ئەندامی لقی سلێمانیی (جەمعییەتی خۆیبوون) بووە.[١][٢]
ڕۆژنامەی "ژیان" دەستکاری
لە ئەیلوولی ١٩٢٧ەوە کراوە بە بەڕێوەبەری چاپخانەی شارەوانیی سلێمانی و بەرپرسی ژمارەکانی (٨٢-٢٥٩)ی ڕۆژنامەی "ژیان". [١][٢]
پێوەندیی كردن بە ڕووسەوە بۆ مەسەلەی کورد دەستکاری
بە ھۆی شەڕی بەردەرکی سەرای سلێمانییەوە لە ٦/٩/١٩٣٠دا گیراوە و چەند مانگێک لە زیندانێکی کەرکووک توندکراوە. ١٩٤٢ چەند مانگێک بە ڕاسپێریی شێخ لەتیفی حەفید چووەتە ئێران و گەیشتووەتە شاری باکۆی یەکێتیی سۆڤێت، پێوەندیی بە ڕووسەوە کردووە بۆ مەسەلەی کورد. پاشتر ماوەیەک لە پێنجوێن وەکیلی شێخ لەتیف بووە.[١][٢]
ژیانی هاوسەرگیریی دەستکاری
لە خاتوو "خەیرییە حەسەن ڕەفعەت"ی ئامۆزای خۆی؛ ھۆشیار، سەڵاح، زێبا و سەبیحەی ھەن.[١][٢]
كۆچی دوایی دەستکاری
نووسینەكانی دەستکاری
یەکەم نووسینی لەپاڵ دوو بابەتی دیکەدا لە ڕۆژنامەی "ژیانەوە"دا بڵاوبووەتەوە.[١][٢]
جگە لە وتاری بڵاوکراوەی ناو (ژیانەوە، ژیان، گەلاوێژ)، ھەر نامیلکەیەکی لە تورکییەوە وەرگێڕدراوی ھەیە:[١][٢]
- ڕۆبن پاشا، کورد لە کەیەوە خەریکە، چاپخانەی فورات - بغداد، ١٩٢٧.[١][٢]
ئەلبوومی وێنەكانی دەستکاری
-
عەلی عیرفان و منداڵەکانی
-
١. عادل جەمال عیرفان، ٢. عەلی عەبدوڵڵا عیرفان، ٣. فوئاد ڕەشید بەکر، ٤. عەبدولمەجید ڕەشید بەکر
-
عەلی عیرفان، سلێمانی، ١٩٥٠
سەرچاوەکان دەستکاری
- ^ ئ ا ب پ ت ج چ ح خ د ر گۆڤاری گەلاوێژ (بەرگی یازدەهەم / بەشی یەكەم ) ژیاننامە و پێڕست ، ئامادەكردنی ( سدیق ساڵح ، ڕەفیق ساڵح ، عبدوڵڵا زەنگەنە ) لە بڵاوكراوەكانی بنكەی ژین بۆ بووژاندنەوەی كەلەپووری و بەڵگەنامەیی و ڕۆژنامەوانیی كوردی .ل 8140-8141
- ^ ئ ا ب پ ت ج چ ح خ د ر ڕۆژنامەی "ژیان"، دووەم بەرگ (ژمارە ٨٢-٢٥٩)، سلێمانی، ٢٠٠٣، ل٤٤-٤٥.